ന്യൂഡൽഹി: റിപ്പബ്ലിക് ദിനത്തോടനുബന്ധിച്ച് സായുധ സേനകളിലെ ഉദ്യോഗസ്ഥർക്ക് നൽകുന്ന പുരസ്‌കാരങ്ങൾ പ്രഖ്യാപിച്ചു. 412 പേർക്ക് ഗാലന്ററി പുരസ്കാരം നൽകുന്നതിനുള്ള അംഗീകാരത്തിലാണ് രാഷ്‌ട്രപതി ഒപ്പുവച്ചത്.
കീർത്തിചക്ര പുരസ്കാരം ആറ് പേർക്ക് ലഭിച്ചു. ഇതിൽ നാലെണ്ണം മരണാനന്തര ബഹുമതിയാണ്. 15 പേർക്ക് ശൗര്യ ചക്രയും നൽകും. ഇതിൽ രണ്ടെണ്ണമാണ് മരണാനന്തര ബഹുമതിയായി നൽകുന്നത്. 92 സേനാ മെഡലുകൾക്കും രാഷ്‌ട്രപതി അംഗീകാരം നൽകിയിട്ടുണ്ട്.
ഏഴ് വായു സേന മെഡലുകൾ, 29 പരം വിശിഷ്ട സേവാ മെഡലുകൾ, മൂന്ന് ഉത്തം യുദ്ധ് സേവാ മെഡലുകൾ, 52 അതിവിശിഷ്ട മെഡലുകൾ തുടങ്ങി നിരവധി പേർക്കാണ് പുരസ്കാരം ലഭിക്കുക. മലയാളിയായ ജനറൽ പ്രദീപ് ചന്ദ്രൻ നായർ ഉൾപ്പെടെ 29 പേരാണ് പരംവിശിഷ്ട സേവാ മെഡൽ സ്വന്തമാക്കിയത്. അസം റൈഫിൾസ് മേധാവിയാണ് പ്രദീപ് ചന്ദ്രൻ. 126 സൈനികർ വിശിഷ്ട സേവാ മെഡലിനും അർഹരായിട്ടുണ്ട്.
