കോഴിക്കോട്: പടക്കം പൊട്ടിച്ചതുമായി ബന്ധപ്പെട്ട് കല്യാണ വീട്ടിൽ കൂട്ടത്തല്ല്. കോഴിക്കോട് മേപ്പയ്യൂരിലാണ് സംഭവം. വരന്റെ വീട്ടുകാരും വധുവിന്റെ വീട്ടുകാരും തമ്മിലാണ് സംഘര്ഷമുണ്ടായത്. മേപ്പയ്യൂരിലെ വധുവിന്റെ വീട്ടിലേക്ക് വടകരയില് നിന്ന് വരനും സംഘവും എത്തിയതോടെയാണ് പ്രശനങ്ങള് തുടങ്ങിയത്.
വരന്റെ ഒപ്പം ഉണ്ടായിരുന്നവര് വധുവിന്റെ വീട്ടില് വച്ച് പടക്കം പൊട്ടിച്ചു. ഇത് ഇഷ്ടപ്പെടാതിരുന്ന വധുവിന്റെ വീട്ടുകാര് പടക്കം പൊട്ടിച്ചവരെ ചോദ്യം ചെയ്യുകയായിരുന്നു. പിന്നാലെ വാക്കു തർക്കമായി. വാക്കുതര്ക്കം കയ്യാങ്കളിയില് കലാശിക്കുകയായിരുന്നു.
കൂട്ടത്തല്ലിന്റെ ദൃശ്യങ്ങൾ സമൂഹമാദ്ധ്യമങ്ങളിൽ പ്രചരിക്കുന്നുണ്ട്. അതേസമയം, നാട്ടുകാര് തന്നെ ഇടപെട്ട് പ്രശ്നം പരിഹരിച്ചതിനാല് പോലീസ് സംഭവത്തിൽ കേസെടുത്തിട്ടില്ല.
