ന്യുഡൽഹി: കേന്ദ്ര ബജറ്റിനെ പ്രശംസിച്ച് പ്രമുഖ കസൾട്ടിംഗ് സ്ഥാപനമായ ബോസ്റ്റണിന്റെ മേധാവി ജന്മേജയ സിൻഹ. ശുദ്ധവും, ലളിതവും, വ്യക്തവും, ദൃഢവുമാണ് ബജറ്റെന്ന് അദ്ദേഹം പറഞ്ഞു. കൂടുതലും സാധാരണക്കാർക്ക് പ്രയോജനപ്പെടുന്നതാണ് ഈ വർഷത്തെ ബജറ്റെന്നും അദ്ദേഹം വ്യക്തമാക്കി.
ബജറ്റിലൂടെയുള്ള നീക്കങ്ങൾ സാമ്പത്തിക വളർച്ച വർധിപ്പിക്കുമെന്നും അതിനാലാണ് ഈ ബജറ്റ് ശുദ്ധവും, ലളിതവും, വ്യക്തവും, ദൃഢവുമാണെന്ന് പറഞ്ഞതെന്നും അദ്ദേഹം വ്യക്തമാക്കി.
നിലവിലെ പ്രകാരം പ്രതിവർഷം മൂന്ന് ലക്ഷം രൂപ വരെ വരുമാനം ലഭിക്കുന്നവർക്ക് നികുതി അടയ്ക്കേണ്ടതില്ലായിരുന്നു. 3 മുതൽ 6 ലക്ഷം വരെ 5 ശതമാനവും 6 മുതൽ 9 ലക്ഷം വരെ 10 ശതമാനവുമായിരുന്നു നികുതി. 9 മുതൽ 12 ലക്ഷം വരെ 15 ശതമാനവും 12 മുതൽ 15 ലക്ഷം വരെ 20ഉം 15 ലക്ഷത്തിന് മുകളിൽ 30 ശതമാനവും നികുതിയൊടുക്കണം.
എന്നാൽ ബജറ്റിലെ പ്രഖ്യാപനമനുസരിച്ച് പുതിയ രീതി പ്രകാരം ഇനി ഏഴ് ലക്ഷം രൂപ വരെ റിബേറ്റ് ലഭിക്കുന്നതാണ്. തൽഫലമായി 9 ലക്ഷം രൂപ വരെ വരുമാനമുള്ളവർക്ക് ഇനിമുതൽ 45,000 രൂപ മാത്രമേ നികുതി കൊടുക്കേണ്ടി വരൂ. നേരത്തെയിത് 60,000 രൂപയായിരുന്നു. സമാനമായി പ്രതിവർഷം 15 ലക്ഷം രൂപ വരുമാനമുള്ളവർക്ക് ഇനിമുതൽ പത്ത് ശതമാനം നികുതി അടച്ചാൽ മതിയാകും.
