ന്യൂഡൽഹി: കേന്ദ്ര ബജറ്റ് പ്രഖ്യാപനങ്ങളുടെ പ്രചാരണത്തിനായി കേന്ദ്രമന്ത്രിമാർ ഇന്ന് വിവിധ സംസ്ഥാനങ്ങളിലെത്തും. ബജറ്റിലെ പ്രഖ്യാപനങ്ങൾ പൊതുജനങ്ങളിലേക്കെത്തിക്കാനാണ് കേന്ദ്രമന്ത്രിമാർ സംസ്ഥാനങ്ങളിലെത്തുന്നത്. രാജ്യവ്യാപകമായി ഫെബ്രുവരി പന്ത്രണ്ട് വരെയാണ് വിപുലമായ പ്രചാരണ പരിപാടികൾ സംഘടിപ്പിച്ചിരിക്കുന്നത്.
വിവിധ സംസ്ഥാനങ്ങളിൽ ഇന്നും നാളെയുമായി നടക്കുന്ന പ്രചാരണ പരിപാടികളിൽ ‘ബജറ്റിലെ പ്രഖ്യാപനങ്ങളും പദ്ധതികൾ ഉപയോഗപ്പെടുത്തേണ്ടതിനെ കുറിച്ചും’ കേന്ദ്രമന്ത്രിമാരും ബിജെപി നേതാക്കളും വിശദീകരിക്കും.
കേരളത്തിൽ കൊച്ചിയിൽ നടക്കുന്ന പരിപാടിയിൽ പങ്കെടുക്കുന്നത് ടൂറിസം മന്ത്രി കിഷൻ റെഡ്ഡിയാണ്. കേന്ദ്രമന്ത്രിമാരായ പിയൂഷ് ഗോയൽ കർണാടകയിലും, രാജീവ് ചന്ദ്രശേഖർ തമിഴ്നാട്ടിലും പ്രചാരണ പരിപാടിയിൽ പങ്കെടുക്കും.
Comments