പാക്കറ്റിൽ ജീവനുള്ള എലി; ബ്ലിങ്കിറ്റ് ആപ്പ് വഴി റൊട്ടി ഓർഡർ ചെയ്ത യുവാവ് ഞെട്ടി; വീഡിയോ

പുറത്ത് പോയി പലചരക്ക് സാധനങ്ങൾ വാങ്ങുന്നതിന് ഇന്ന് പലർക്കും സമയമില്ല. ബ്ലിങ്കിറ്റ്, സ്വി​ഗി, ഇൻസ്റ്റാമാർട്ട്, സെപ്റ്റോ തുടങ്ങിയ നിരവധി ആപ്പുകൾ ഇന്ന് ഇതിനായുണ്ട്. ഈ ആപ്പുകൾ വഴി പലചരക്ക് സാധനങ്ങളും പച്ചക്കറികളും ഭക്ഷണങ്ങളുമെല്ലാം വീട്ടിലേയ്‌ക്ക് ഓർഡർ ചെയ്യുന്നവർ നിരവധി പേരുണ്ട്. ഇത്തരത്തിൽ നമുക്ക് ആവശ്യമുള്ളവ നമ്മുടെ വീട്ടിലെത്തിച്ചു തരുന്ന ആപ്പുകൾ പലർക്കും ഒരു അനുഗ്രഹമായി മാറി കഴിഞ്ഞിരിക്കുന്നു. എന്നിരുന്നാലും, കാലഹരണപ്പെട്ടതും മോശമായതുമായ ഉൽപ്പന്നങ്ങൾ ലഭിച്ചുവെന്ന പരാതികളും ഉപയോക്താക്കൾ ഓൺലൈനിൽ പങ്കിടാറുണ്ട്. അത്തരത്തിലുള്ള ഒരു വാർത്തയാണ് ഇപ്പോൾ സമൂഹമാദ്ധ്യമങ്ങളിൽ ഞെട്ടൽ സൃഷ്ടിക്കുന്നത്.

നിതിൻ അറോറ എന്ന വ്യക്തിയാണ് തനിക്ക് ഓർഡർ ചെയ്ത് ലഭിച്ച ഒരു റൊട്ടിയുടെ ചിത്രം ട്വിറ്ററിൽ പങ്കുവെച്ചിരിക്കുന്നത്. ബ്ലിങ്കിറ്റ് ഡെലിവറി ആപ്പ് വഴിയാണ് നിതിൻ അറോറ റൊട്ടി ഓർഡർ ചെയ്തത്. ഞെട്ടിപ്പിക്കുന്നത് എന്താണെന്നാൽ, റൊട്ടിയുടെ പാക്കറ്റിനുള്ളിൽ ഒരു എലിയുണ്ടായിരുന്നു എന്നതാണ്. അതും ജീവനുള്ള എലി. ഓർഡർ പാക്ക് ചെയ്യുന്ന വ്യക്തിക്കും ഡെലിവറി ഏജന്റിനും എലിയുടെ സാന്നിധ്യം അനുഭവപ്പെടാത്തത് അതിശയകരമാണ്.

Most unpleasant experience with @letsblinkit , where alive rat was delivered inside the bread packet ordered on 1.2.23. This is alarming for all of us. If 10 minutes delivery has such baggage, @blinkitcares I would rather wait for a few hours than take such items.#blinkit #zomato pic.twitter.com/RHNOj6tswA

— Nitin Arora (@NitinA14261863) February 3, 2023

ചിത്രങ്ങളും വീഡിയോയുമടക്കം നിതിൻ അറോറ പോസ്റ്റ് ചെയ്തതോടെ സമൂഹമാദ്ധ്യമങ്ങളിൽ ബ്ലിങ്കിറ്റ് പോലുള്ള ആപ്പുകൾക്കെതിരെ ശക്തമായ പ്രതിഷേധം ഉയരുന്നുണ്ട്. സംഭവം വിവാദമായതോടെ കമ്പനി അറോറയുമായി സംസാരിച്ചു. ‘തങ്ങൾ ആഗ്രഹിച്ച അനുഭവമല്ല ഇതെന്നും രജിസ്റ്റർ ചെയ്ത കോൺടാക്റ്റ് നമ്പർ അല്ലെങ്കിൽ ഓർഡർ ഐഡി തന്നാൽ തങ്ങൾ തീർച്ചയായും പരിശോധിക്കാം’ എന്നാണ് ബ്ലിങ്കിറ്റിന്റെ ഭാ​ഗത്തു നിന്നുമുണ്ടായ പ്രതികരണം.

@letsblinkit @blinkitcares pic.twitter.com/CDCvlWbEor

— Namita Chugh (@ChughNamita) February 3, 2023