പാലക്കാട്: പാലക്കാട് ഡിവിഷനിലെ വിവിധ ഭാഗങ്ങളിൽ പാളം അറ്റകുറ്റപ്പണികൾ നടക്കുന്നതിനാൽ നിരവധി ട്രെയിൻ സർവീസുകളിൽ മാറ്റം വരുത്തി. ചില സർവീസുകൾ പൂർണമായും റദ്ദാക്കിയപ്പോൾ ചില ട്രെയിനുകളുടെ യാത്ര ഭാഗികമായി റദ്ദാക്കി. ഏതാനും ട്രെയിനുകളുടെ പുറപ്പെടൽ സമയത്തിലും വഴിമധ്യേയുള്ള യാത്രയിലും മാറ്റമുണ്ടാകും.
പൂർണമായി റദ്ദാക്കിയ ട്രെയിനുകൾ
ഷൊർണൂർ–കോയമ്പത്തൂർ പാസഞ്ചർ (56604): 20, 29 തീയതികളിലെ ഷൊർണൂരിൽ നിന്നുള്ള സർവീസ് പൂർണമായി റദ്ദാക്കി.
കോയമ്പത്തൂർ–ഷൊർണൂർ പാസഞ്ചർ (56603): 20-ന് കോയമ്പത്തൂരിൽ നിന്നുള്ള സർവീസ് പൂർണമായി റദ്ദാക്കി.
ഭാഗികമായി റദ്ദാക്കിയ സർവീസുകൾ
മംഗളൂരു സെൻട്രൽ–കോയമ്പത്തൂർ എക്സ്പ്രസ് (16324): 25, ഒക്ടോബർ 3 തീയതികളിൽ മംഗളൂരുവിൽ നിന്നുള്ള സർവീസ് ഷൊർണൂരിൽ യാത്ര അവസാനിപ്പിക്കും.
തിരുച്ചിറപ്പള്ളി–പാലക്കാട് ടൗൺ എക്സ്പ്രസ് (16843): 9, 14, 16 തീയതികളിൽ പോടന്നൂരിൽ യാത്ര അവസാനിപ്പിക്കും.
കോയമ്പത്തൂർ–ഷൊർണൂർ പാസഞ്ചർ (56603): 25, ഒക്ടോബർ 3 തീയതികളിൽ ലക്കിടിയിൽ യാത്ര അവസാനിപ്പിക്കും.
പുറപ്പെടൽ സമയത്തിലും മാറ്റം
പാലക്കാട് ടൗൺ–തിരുച്ചിറപ്പള്ളി എക്സ്പ്രസ് (16844): 10, 15, 17 തീയതികളിൽ പോടന്നൂരിൽ നിന്ന് രാവിലെ 7.55-ന് സർവീസ് ആരംഭിക്കും.
പാലക്കാട്–നിലമ്പൂർ റോഡ് പാസഞ്ചർ (56607): 20, 29 തീയതികളിൽ ഷൊർണൂരിൽ നിന്ന് രാവിലെ 7.05-ന് സർവീസ് ആരംഭിക്കും.
ഷൊർണൂർ–കോയമ്പത്തൂർ പാസഞ്ചർ (56604): 22, ഒക്ടോബർ 1 തീയതികളിൽ 30 മിനിറ്റ് വൈകി രാവിലെ 8.50-ന് ഷൊർണൂരിൽ നിന്ന് പുറപ്പെടും.
മംഗളൂരു–ചെന്നൈ വെസ്റ്റ് കോസ്റ്റ് എക്സ്പ്രസ് (22638): 6, 8, 10, 13 തീയതികളിൽ വഴിമധ്യേ 45 മിനിറ്റ് പിടിച്ചിടും. ഹസ്രത് നിസാമുദ്ദീൻ–എറണാകുളം മംഗള ലക്ഷദ്വീപ് എക്സ്പ്രസ് (12618): 5, 12 തീയതികളിൽ വഴിമധ്യേ 45 മിനിറ്റ് പിടിച്ചിടും.
എറണാകുളം–പാലക്കാട് മെമു (66610): 25, ഒക്ടോബർ 3 തീയതികളിൽ വഴിമധ്യേ 35 മിനിറ്റ് ക്രമീകരിക്കും. ആലപ്പുഴ–കണ്ണൂർ എക്സ്പ്രസ് (16307): ഒക്ടോബർ 3-ലെ സർവീസ് വഴിമധ്യേ 30 മിനിറ്റ് പിടിച്ചിടും. പാളം അറ്റകുറ്റപ്പണികളുടെ പശ്ചാത്തലത്തിലാണ് ഈ നിയന്ത്രണങ്ങൾ ഏർപ്പെടുത്തിയിരിക്കുന്നത്. യാത്രക്കാർ പുറപ്പെടുന്നതിന് മുമ്പ് തങ്ങളുടെ ട്രെയിനിന്റെ പുതുക്കിയ സമയക്രമം പരിശോധിക്കുന്നത് ഉചിതമാണ്.
