വർണങ്ങളിൽ നീരാടി ഭാരതം; രാജ്യമെങ്ങും ഹോളി ആഘോഷം; നിറങ്ങൾ വിതറിയും മധുരം നൽകിയും ജമ്മുകശ്മീരിലെ ബിഎസ്എഫ്, സിആർപിഎഫ് ജവാന്മാർ

ന്യൂഡൽഹി: വർണങ്ങൾ വാരിയെറിഞ്ഞും മധുര പലഹാരങ്ങൾ വിതരണം ചെയ്തും സമ്മാനങ്ങൾ നൽകിയും ഹോളി ആഘോഷമാക്കി രാജ്യം. ഉത്തരേന്ത്യയിലെ പ്രധാനപ്പെട്ട ആഘോഷങ്ങളിൽ ഒന്നാണ് ഹോളി. വർണങ്ങളുടെ ഉത്സവമായ ഹോളി ആഘോഷം വസന്തകാലത്തെ വരവേൽക്കുന്നത് കൂടിയാണ്. ജാതിമത ഭേദമന്യേ എല്ലാവരും ഹോളി ആഘോഷത്തിൽ പങ്കുചേരാറുണ്ട്. കുട്ടികൾ മുതൽ മുതിർന്നവർ വരെ ഒരു പോലെ ആഘോഷത്തിന്റെ ഭാഗമാവും.

എത്ര വലിയ ശത്രുതയിലാണെങ്കിലും പരസ്പരം നിറങ്ങൾ വാരിയെറിയുമ്പോൾ ശത്രുത അകലുമെന്നതാണ് ഹോളിയുടെ വിശ്വാസം. തിന്മയുടെ മേൽ നന്മ നേടിയ വിജയവുമായി ബന്ധപ്പെട്ട് ഹോളിഗ ദഹൻ കഴിഞ്ഞ ദിവസം നടന്നു. ഇന്ന് ധുലന്ദി ഹോളിയാണ് ആഘോഷിക്കുന്നത്. ഇന്ന് പകലന്തിയോളം അഘോഷിച്ച് വരും കാല സന്തോഷ-സമൃദ്ധികൾക്കായി എല്ലാവരും മനസ്സറിഞ്ഞ് പ്രാർത്ഥിക്കുന്നു.

ഇപ്പോഴിതാ ജമ്മുകശ്മീരിൽ നിന്നുള്ള ഹോളി ആഘോഷത്തിന്റെ വീഡിയോകളാണ് സമൂഹമാദ്ധ്യമങ്ങളിൽ വൈറലായിരിക്കുന്നത്. നിറങ്ങൾ വിതറിയും മധുരം നൽകിയും ബിഎസ്എഫ് ജവാൻമാർ ഹോളി ആഘോഷിക്കുന്നതാണ് വീഡിയോകളിൽ കാണാൻ സാധിക്കുന്നത്. ജമ്മുകശ്മീരിലെ സാംബ സെക്ടറിലെ അതിർത്തിയിൽ ബിഎസ്എഫ് ജവാൻമാർ പ്രദേശവാസികൾക്കൊപ്പം ഹോളി ആഘോഷിക്കുകയും അവർക്ക് ആശംസകൾ നേരുകയും ചെയ്തു.

BSF wishes everyone Happy and Colourful Holi. May the vibrant colours of Holi bring Happiness, Joy & Good Health for everyone. #HappyHoli #Holi2023 #festivalofcolors pic.twitter.com/a5Dcpeprjq

— BSF (@BSF_India) March 8, 2023

Away from their families & securing Countries borders, #BSF troops celebrating #Holi with Locals in Samba dist of #JammuAndKashmir.
My Best wishes to all our #BrothersInUniform who sacrifice their happiness & festivals FOR US.#HoliFestival #HolikaDahan pic.twitter.com/pBGPGPJkno

— Jasmeen Kaur (@JasmeenIndian) March 6, 2023

The Central Reserve police Force (CRPF) personnel celebrated Holi festival at Anantnag. pic.twitter.com/hwZveCkkN9

— Kashmir Patriot (@KashmirPatriot) March 7, 2023

ഞങ്ങൾ ഹോളി ആഘോഷിക്കുകയാണെന്നും. പ്രദേശവാസികളും ആഘോഷത്തിൽ പങ്കുചേർന്നുവെന്നും. ഇപ്പോൾ വീട്ടിൽ നിന്ന് വളരെ അകലെയാണെന്ന് തോന്നുന്നില്ലെന്നും ലോകത്ത് ആശങ്കയില്ലാതെ ഹോളി ആഘോഷിക്കാൻ ജനങ്ങളോട് പറയാൻ ആഗ്രഹിക്കുന്നുവെന്നും അതിർത്തികൾ സുരക്ഷിതമാണെന്നും ഒരു വനിതാ ബിഎസ്എഫ് ഉദ്യോഗസ്ഥ പറഞ്ഞു.

അതേസമയം ജമ്മുകശ്മീരിലെ അനന്ത്‌നാഗ് ജില്ലയിൽ സിആർപിഎഫ് ഉദ്യോഗസ്ഥരും ഹോളി ആഘോഷിച്ചു. പരസ്പരം ഛായങ്ങൾ തേച്ച് പരമ്പരാഗത ഗാനങ്ങൾക്ക് താളത്തിനൊത്ത് ചുവടുവെച്ചാണ് സൈനികർ ഹോളി ആഘോഷിച്ചത്. സൈനികർ വളരെ ആവേശത്തിലാണ്. ഹോളി മാത്രമല്ല മറ്റെല്ലാ ആഘോഷങ്ങളും വളരെ ആവേശത്തോടെയാണ് ആഘോഷിക്കുന്നത്. കശ്മീർ താഴ്വരയിൽ ഹോളി ആഘോഷിക്കാൻ അവസരം ലഭിക്കുന്നത് ഞങ്ങളുടെ ഭാഗ്യമാണെന്നും എവിടെയായിരുന്നാലും സൈനികർ ഹോളി ആഘോഷിക്കുമെന്നും സിആർപിഎഫ് ഉദ്യോഗസ്ഥൻ ജഗദംബ കുമാർ റാവത്ത് പറഞ്ഞു.