ചെന്നൈ : പരീക്ഷ എഴുതിയിറങ്ങിയതിന് ശേഷം ക്ലാസ് മുറികൾ അടിച്ചുതകർത്ത് വിദ്യാർത്ഥികൾ.ധർമപുരി മല്ലപുരത്തെ സർക്കാർ ഹയർ സെക്കൻഡറി സ്കൂളിലാണ് സംഭവം. പ്ലസ് വൺ, പ്ലസ് ടു വിദ്യാർത്ഥികളാണ് ക്ലാസ് മുറികൾ അടിച്ചു തകർത്തത്. ഇതിന്റെ വീഡിയോ സമൂഹമാദ്ധ്യമത്തിൽ പ്രചരിച്ചുകൊണ്ടിരിക്കുകയാണ്.
സംഭവത്തെ തുടർന്ന് വിദ്യാഭ്യാസ ഉദ്യോഗസ്ഥർ അന്വേഷണം ആരംഭിച്ചിട്ടുണ്ട്. പരീക്ഷ കഴിഞ്ഞെത്തിയ ആൺകുട്ടികളും പെൺകുട്ടികളും ക്ലാസ് മുറിയിൽ കയറി പുസ്തകങ്ങൾ കീറിയെറിയുകയും മേശകളും ബെഞ്ചുകളും അടിച്ചുതകർക്കുകയുമായിരുന്നുവെന്ന് അദ്ധ്യാപകർ പറഞ്ഞു.
വിദ്യാർത്ഥികളെ തടയാതിരുന്നത് സംബന്ധിച്ച് അദ്ധ്യാപകർക്കെതിരെയും അന്വേഷണം നടക്കുന്നുണ്ട്. സ്കൂളിൽ അതിക്രമം കാട്ടിയ കുട്ടികളെ അഞ്ച് ദിവസം സസ്പെൻഡ് ചെയ്തു. ഇവർക്ക് പരീക്ഷ എഴുതുന്നതിന് സ്കൂളിൽ പ്രവേശിക്കുവാൻ മാത്രമാണ് അനുവാദമുള്ളത്.
Comments