തിരുവനന്തപുരം: സംസ്ഥാനത്ത് എച്ച1 എൻ 1 പനിയിൽ വർധന. പനിയും മറ്റ് പകർച്ച വ്യാധികളും മാറ്റമില്ലാതെ തുടരുന്ന സാഹചര്യത്തിലാണ് എച്ച് 1 എൻ 1 കേസുകളും ഉയരുന്നത്. സംസ്ഥാനത്ത് ഇന്നലെ മാത്രം 6 പേർക്കാണ് എച്ച്1 എൻ1 പനി സ്ഥിരീകരിച്ചത്. ഇത് സമീപകാലത്തെ ഏറ്റവും ഉയർന്ന കണക്കാണ്.
തിരുവനന്തപുരം, കോട്ടയം, ആലപ്പുഴ, എറണാകുളം, പാലക്കാട് ജില്ലകളിലായാണ് എച്ച്1 എൻ1 കേസുകൾ പുതുതായി സ്ഥിരീകരിച്ചത്. ഇതിൽ രണ്ട് കേസുകൾ ആലപ്പുഴയിലാണ്. കൂടാതെ മലപ്പുറത്ത് മൂന്ന് കോളറ കേസുകളും സ്ഥിരീകരിച്ചു. സംസ്ഥാനത്ത് സ്ഥീരകരിച്ച പത്ത് ഡെങ്കിപ്പനി കേസുകളിൽ നാലെണ്ണം എറണാകുളം ജില്ലയിലാണ്.
സംസ്ഥാനത്ത് ഇന്നലെ മാത്രം 8487 പനിബാധിതർ ചികിതസനേടിയതായാണ് ആരോഗ്യ വകുപ്പിന്റെ കണക്കുകൾ. ഇതിൽ 10-8 പേരെ ആശുപത്രിയിൽ പ്രവേശിപ്പിച്ചു. അതേസമയം രാജ്യത്ത് എച്ച്3 എൻ2 വൈറസിന്റെ വ്യാപനം സൂക്ഷ്മമായി നിരീക്ഷിച്ചു വരികയാണെന്ന് കേന്ദ്ര ആരോഗ്യ വകുപ്പ് വ്യക്തമാക്കി. എച്ച് 3 എൻ 2 ബാധിച്് 2 മരണം മരണം സംഭവിച്ചിരുന്നു.
Comments