മനോജ് കെ ജയന് പിറന്നാൾ ആശംസകളുമായി മലയാളികുടെ പ്രിയതാരം ഉണ്ണിമുകുന്ദൻ. ‘ഏറ്റവും വിനീതനായ സൂപ്പർ താരം മനോജ് ഏട്ടന് സന്തോഷകരമായ പിറന്നാൾ ആശംസകൾ! എല്ലാവർക്കും പ്രിയപ്പെട്ട സുവർണ്ണ ഹൃദയമായതിന് നന്ദി! നമ്മൾ ഒരുമിച്ചുള്ള സ്ക്രീൻ മാജിക്കുകൾക്കായി കാത്തിരിക്കുന്നു. ഒരുപാട് സ്നേഹം’, എന്നാണ് ഉണ്ണി മുകുന്ദൻ ഫേസ് ബുക്കിൽ കുറിച്ചിരിക്കുന്നത്.
ഉണ്ണി മുകുന്ദൻ നായകനായി എത്തിയ സൂപ്പർഹിറ്റ് ചിത്രം മാളികപ്പുറത്തിൽ മനോജ് കെ ജയനും സുപ്രധാന വേഷം കൈകാര്യം ചെയ്തിരുന്നു. പോലീസ് ഉദ്യോഗസ്ഥനായാണ് മനോജ് അഭിനയിച്ചിരിക്കുന്നത്. ചിത്രം 100 കോടി ക്ലബിൽ ഇടം പിടിച്ചിരുന്നു. കേരളത്തിന് പുറമെ, തമിഴ്നാട്, കർണാടകം, ആന്ധ്ര എന്നിവിടങ്ങളിൽ വളരെയേറെ അയ്യപ്പ ഭക്തന്മാരുണ്ട്. അതിനാൽ അന്യഭാഷകളിലും സിനിമയ്ക്ക് മികച്ച പ്രതികരണമാണ് ലഭിച്ചത്.
നിലവിൽ ഗന്ധർവ്വൻ ജൂനിയർ എന്ന ചിത്രത്തിലാണ് ഉണ്ണി മുകുന്ദൻ അഭിനയിക്കുന്നത്. സിനിമയുടെ വിശേഷങ്ങൾ താരം ഇടയ്ക്കിടെ സമൂഹ മാദ്ധ്യമങ്ങളിൽ പങ്കുവെക്കാറുണ്ട്.
Comments