ചെന്നൈ: മലയാളികളുടെ പ്രിയ നടിയായ മീന ബാലതാരമായാണ് വെള്ളിത്തിരയിൽ എത്തിയത്. 40 വർഷമായി നടി സിനിമയിൽ എത്തിയിട്ട്. ഇതിന്റെ ഭാഗമായി മീന@40 എന്ന ചടങ്ങ് സംഘടിപ്പിച്ചിരുന്നു. ഈ പരിപാടിയുടെ ചിത്രങ്ങൾ ഇപ്പോൾ സമൂഹ മാദ്ധ്യങ്ങളിൽ വൈറലാണ്.
ചടങ്ങിൽ മിനയുടെ മകളായിരുന്നു പ്രധാന ശ്രദ്ധാകേന്ദ്രം. നടൻ രജനീകാന്ത് ആണ് വിശിഷ്ടാതിഥിയായി എത്തിയത്. മീനക്കൊപ്പം അഭിനയിച്ച അനുഭവങ്ങൾ അദ്ദേഹം ചടങ്ങിൽ പങ്കുവച്ചു. മീനയുടെ ഭർത്താവിന്റെ അകാലവിയോഗത്തെ കുറിച്ച് ഓർത്ത് രജനീകാന്ത് ചടങ്ങിൽ വികാരധീനനായിരുന്നു.
ഇതിനിടയിൽ മീനയുടെ മകളും ബാലതാരവുമായ നൈനിക ‘അങ്കിൾ എനിക്കൊരു ഉമ്മ തരുമോ’ എന്ന് രജനികാന്തിനോട് ചോദിക്കുന്നുണ്ട്. നൈനികയെ ചേർത്തു പിടിച്ച് ഉമ്മ വയ്ക്കുന്ന രജനിയുടെ ദൃശ്യങ്ങൾ ആരാധകരുടെ ഹൃദയങ്ങൾ കീഴടക്കുകയാണ്.
ഖുശ്ബു,ജീവ,ബോണി കപൂർ, ശരത് കുമാർ,രാധിക ശരത് കുമാർ,ശങ്കർ,റോജ,പ്രഭുദേവ, സ്നേഹ,പ്രസന്ന,പൂർണിമ ഭാഗ്യരാജ് തുടങ്ങി നിരവധി താരങ്ങൾ ചടങ്ങിൽ പങ്കെടുത്തു. ഈ നിമിഷം തനിക്ക് ഏറ്റവും അധികം മിസ്സ് ചെയ്യുന്നത് അച്ഛനെയും ഭർത്താവിനെയാണെന്ന് മീന ചടങ്ങിൽ പറഞ്ഞിരുന്നു.
