ഗോൽഗപ്പയും ലസ്സിയും ആസ്വദിച്ച് ജപ്പാൻ പ്രധാനമന്ത്രി; വീഡിയോ ദൃശ്യങ്ങൾ പങ്കുവച്ച് നരേന്ദ്രമോദി

ജപ്പാൻ പ്രധാനമന്ത്രി ഫുമിയോ കിഷിദയുടെ ഇന്ത്യാ സന്ദർശനം രാജ്യത്ത് തുടരുകയാണ്. പ്രധാനമന്ത്രി നരേന്ദ്രമോദിയുമായി കൂടിക്കാഴ്ച നടത്തിയ അദ്ദേഹം ബുദ്ധ ജയന്തി പാർക്കിൽ സന്ദർശനം നടത്തിയിരുന്നു. ഇപ്പോഴിതാ ഇന്ത്യയിലെ തനതായ ചില വിഭവങ്ങളുടെ രുചി അറിയാൻ ശ്രമിക്കുന്ന ജപ്പാൻ പ്രധാനമന്ത്രിയുടെ ദൃശ്യങ്ങളാണ് ശ്രദ്ധേയമാകുന്നത്.

#WATCH | Prime Minister Narendra Modi and Japanese PM Fumio Kishida visit Buddha Jayanti Park in Delhi. The Japanese PM also tried Gol Gappe, Lassi and Aam Panna here.

(Source: DD News) pic.twitter.com/sC3khaR31v

— ANI (@ANI) March 20, 2023

പ്രധാനമന്ത്രി നരേന്ദ്രമോദിയോടൊപ്പം ഗോൽഗപ്പയും ലസ്സിയുമെല്ലാം രുചിച്ചുനോക്കുകയാണ് ജപ്പാൻ പ്രധാനമന്ത്രി. ഡൽഹിയിലെ ബുദ്ധ ജയന്തി പാർക്ക് സന്ദർശിച്ചതിന് പിന്നാലെയായിരുന്നു ഇത്. മൺക്കപ്പിൽ ലസ്സി കുടിച്ച് പാർക്കിൽ മോദിയോടൊപ്പം ആസ്വദിച്ചിരിക്കുന്ന ജപ്പാൻ പ്രധാനമന്ത്രിയെ ദൃശ്യങ്ങളിൽ കാണാം. ഇന്ത്യയിലെ ജനപ്രിയ ബിവറേജായ ലസ്സിയുടെ റെസിപ്പിയെക്കുറിച്ചും മോദി അദ്ദേഹത്തിന് വിവരിച്ചുനൽകി.

തന്റെ സുഹൃത്തും ജപ്പാൻ പ്രധാനമന്ത്രിയുമായ ഫുമിയോ കിഷിദ ഗോൽഗപ്പകൾ ആസ്വദിച്ചുവെന്ന തലക്കെട്ടോടെ നരേന്ദ്രമോദിയും ഇതിന്റെ വീഡിയോ ദൃശ്യങ്ങൾ പങ്കുവച്ചിരുന്നു. ബൽ ബോധി വൃക്ഷത്തിന് മുന്നിൽ പുഷ്പാർച്ചന നടത്തി പ്രാർത്ഥിച്ചതിന് ശേഷമാണ് ഇരുവരും ലസ്സി കുടിച്ചും ഗോൽഗപ്പ കഴിച്ചും പാർക്കിൽ വിശ്രമിച്ചത്.