ന്യൂഡൽഹി: കൈകൂലികേസുമായി ബന്ധപ്പെട്ട് രാജ്‌കോട്ട് ഫോറിൻ ട്രേഡ് ഡയറക്ടർ ജനറലിനെ സിബിഐ അറസ്റ്റ് ചെയ്തു. ജവ്ര മെൽ ബിഷണോയിയാണ് സിബിഐ അറസ്റ്റ് ചെയ്തത്. സിബിഐയ്‌ക്ക് ലഭിച്ച പരാതിയുടെ അടിസ്ഥാനത്തിലാണ് ഇയാളെ അറസ്റ്റ് ചെയ്തത്.
പരാതിക്കാരനിൽ നിന്ന് ഒൻപത് ലക്ഷത്തോളം രൂപ ബിഷണോയി കൈകൂലി ആവശ്യപ്പെട്ടിരുന്നു. ഇതെ തുടർന്നാണ് അറസ്റ്റെന്നും സിബിഐ ഉദ്യോഗസ്ഥർ അറിയിച്ചു. ഭക്ഷ്യ ക്യാനുകളുടെ ആവശ്യത്തിനായി 50 ലക്ഷം രൂപ വായ്്പ ഇയാൾ ആവശ്യപ്പെട്ടു. ആദ്യ ഗഡുവായ 5 ലക്ഷം രൂപ നൽകണമെന്നും ബാക്കി തുക എൻഒസി കൈമാറുമെന്ന് സമയത്ത് നൽകണമെന്ന് ഇയാൾ പരാതിക്കാരനോട് ആവശ്യപ്പെട്ടിരുന്നു. 5 ലക്ഷം രൂപ കൈമാറുന്നതിനിടെയാണ് ഇയാളെ സിബിഐ പിടികൂടിയത്. ഇയാളുടെ ഓഫീസിലും താമസ സ്ഥലങ്ങളിലും അന്വേഷണം നടത്തിവരികയാണെന്ന് സിബിഐ ഉദ്യോഗസ്ഥർ അറിയിച്ചു. അറസ്റ്റിലായി ഇയാളെ കോടതിയിൽ ഹാജരാക്കുമെന്നും ഉദ്യോഗസ്ഥർ അറിയിച്ചു.
