ന്യൂഡൽഹി: നാളെ ആകാശം അത്യപൂർവ്വ കാഴ്ചയ്ക്ക് സാക്ഷിയാകും. ചൊവ്വ, ശുക്രൻ, ബുധൻ, വ്യാഴം, യുറാനസ് എന്നീ ഗ്രഹങ്ങളെ ഒരുമിച്ച് ആകാശത്ത് കാണാൻ സാധിക്കും. അഞ്ച് ഗ്രഹങ്ങളെയാണ് ഒരുമിച്ച് കാണാൻ കഴിയുന്നത്.
ബുധനേക്കാൾ പ്രകാശിച്ച് നിൽക്കുന്ന വ്യാഴത്തെ കാണപ്പെടുമെന്നാണ് അന്താരാഷ്ട്ര മാദ്ധ്യമങ്ങൾ റിപ്പോർട്ട് ചെയ്യുന്നത്. അഞ്ച് ഗ്രഹങ്ങളിൽ വച്ച് ഏറ്റവും പ്രകാശിച്ച് നിൽക്കുക ശുക്രനായിരിക്കും. മറ്റ് ഗ്രഹങ്ങളെയും കാണാൻ കഴിയുമെങ്കിലും താരതമ്യേന തിളക്കം കുറവായിരിക്കും. യുറാനസിനെ തിരിച്ചറിയാൻ പ്രയാസമാകുമെന്നും ഗവേഷകർ പറയുന്നുണ്ട്.
എന്നാൽ യുറാനസ്, ബുധൻ ഗ്രഹങ്ങളെ കാണാനായി ബൈനോക്കുലറിന്റെ സഹായം വേണ്ടിവരും. ഗ്രഹങ്ങൾ ഏകദേശം ഒരേ തലത്തിൽ സൂര്യനെ ചുറ്റുന്നത് കൊണ്ടാണ് ഇത് സംഭവിക്കുന്നത്. കഴിഞ്ഞ വർഷം ജൂലൈയിലും ഗ്രഹങ്ങൾ നേർരേഖയിൽ വന്നിരുന്നു.
