ചെന്നൈ: തെന്നിന്ത്യയുടെ പ്രിയപ്പെട്ട താരങ്ങളാണ് നയൻതാരയും വിഘ്നേശ് ശിവനും. അടുത്തിടെ വിവാഹിതരായ ഇവർക്ക് ഇരട്ട കുട്ടികൾ ജനിച്ചിരുന്നു. എന്നാൽ ഇതുവരെ കുട്ടികളുടെ ഒരു ചിത്രം പോലും എവിടെയും താര ദമ്പതികൾ പകർത്താൻ അനുവദിച്ചിട്ടില്ല. ഉയിർ, ഉലകം എന്നാണ് കുട്ടികൾ ജനിച്ചപ്പോൾ തന്നെ വിഘ്നേശ് പേര് വെളിപ്പെടുത്തിയിരുന്നത്.
കുട്ടികളുമായി താരങ്ങൾ വേദിയിലെത്തിയപ്പോഴൊക്കെ ആരാധകരും ഉയിരും ഉലകവും എന്ന് തന്നെ വിളിച്ചു. എന്നാൽ ഇപ്പോൾ കുട്ടികളുടെ ഔദ്യോഗിക പേരുകൾ പുറത്തുവന്നിരിക്കുകയാണ്. ഉയിർ രുദ്രനിൽ എൻ ശിവ എന്നും ഉലക ദൈവിക എൻ ശിവ എന്നുമാണ് കുട്ടികളുടെ ഔദ്യോഗിക പേരുകൾ എന്നാണ് പുറത്തുവരുന്ന വിവരം.
അടുത്തിടെ മുംബൈ വിമാനതാവളത്തിൽ എത്തിയ നയൻതാരയെയും വിഘ്നേശ് ശിവനേയും ആരാധകർ വളഞ്ഞിരുന്നു. എന്നാൽ ഇരുവരും കൈയ്യിൽ എടുത്തിരുന്ന കുട്ടികളുടെ മുഖം മാറോട് ചേർത്ത് മറക്കുന്ന വീഡിയോ സോഷ്യൽ മീഡിയയിൽ വൈറലായിരുന്നു. വിഡിയോയ്ക്ക് നരവധി കമന്റുകൾ വന്നിരുന്നു. മികച്ച രക്ഷിതാക്കളാണ് നയൻസും, വിഘ്നേശും എന്നായിരുന്നു കമൻറുകളിൽ പലതും.
Comments