ഇന്ത്യൻ ഭക്ഷണങ്ങൾ ഇഷ്ടപ്പെടുന്നയാളാണ് മുകേഷ് അംബാനിയെന്നാണ് റിപ്പോർട്ട്. മുകേഷ് അംബാനിയുടെ ഭാര്യ നിതാ അംബാനിയുടെ അഭിപ്രായത്തിൽ വീട്ടിൽ പാകം ചെയ്ത ഭക്ഷണം കഴിക്കാനാണ് മുകേഷ് അംബാനി താത്പര്യപ്പെടുന്നത്. എന്നാൽ ചില സ്ട്രീറ്റ് ഫുഡുകൾ മുകേഷ് അംബാനിയ്ക്ക് പ്രിയങ്കരമാണെന്നും അവർ പറയുന്നു. ഭേലും ദാഹി ബറ്റാറ്റ പുരിയുമാണ് ഇതിൽ പ്രധാനം. 150 രൂപ മുതൽ 200 രൂപ വരെയാണ് മുംബയിലെ ഈ സ്പെഷ്യൽ ഭേലും ദാഹി ബറ്റാറ്റ പൂരിയുടെയും വില.
അടുത്തിടെ നിതാ അംബാനിയുെട കൾച്ചറൽ സെന്ററിന്റെ ഉദ്ഘാടന ചടങ്ങിനോടനുബന്ധിച്ച് നടന്ന വിരുന്നിലെ ഒരു ചിത്രം വൈറലായിരുന്നു. മധുര പലഹാരത്തിനൊപ്പം ആ പാത്രത്തിൽ 500 രീപയുടെ നോട്ടുകളും നിരത്തിവെച്ചിരിക്കുന്നതായിരുന്നു ചിത്രം. അംബാനിയുടെ പാർട്ടിയിൽ ടിഷ്യൂ പേപ്പറിന് പകരം 500 രൂപ നോട്ടുകളാണ് നൽകുന്നതെന്ന തരത്തിൽ ഈ ചിത്രങ്ങൾ പ്രചരിച്ചിരുന്നു. എന്നാൽ യഥാർത്ഥത്തിൽ 500 രൂപ നോട്ടുകളായിരുന്നില്ല. ഡൽഹിയിലെ പ്രമുഖ റെസ്റ്റോറന്റിൽ വിളമ്പുന്ന ‘ ദൗലത് കി ചാട്ട്’ ആണ് ചിത്രത്തിലുണ്ടായിരുന്നത്. സമ്പന്നതയെ സൂചിപ്പിക്കുന്ന ഒരു വിഭവമാണ്.
മുകേഷ് അംബാനിയും ഭാര്യ നിത അംബാനിയും മക്കളായ അനന്ത്, ആകാശ്, ഇഷ എന്നിവരുടെ കുടുംബത്തോടൊപ്പം താമസിക്കുന്നത് സൗത്ത് മുംബൈയിലെ ആൾട്ടമൗണ്ട് റോഡിൽ സ്ഥിതി ചെയ്യുന്ന അവരുടെ കൊട്ടാര വസതിയായ ആന്റീലിയയിലാണ്. ഈ സ്വർഗീയ മാളികയ്ക്ക് ഏകദേശം 2 ബില്യൺ ഡോളർ ചെലവ് വരും. നിലവിൽ 82 ബില്യൺ ഡോളറാണ് മുകേഷ് അംബാനിയുടെ ആസ്തി.
