ഇന്ത്യൻ എഡിസണായി മാധവൻ എത്തുന്നു; ജി ഡി നായിഡുവിന്റെ ജീവിതം വെള്ളിത്തിരയിൽ

റോക്കട്രീ ദി നമ്പി ഇഫക്ട് എന്ന ചിത്രത്തിന് പിന്നാലെ വീണ്ടും ബയോപിക്കുമായി നടൻ മാധവൻ. ഇന്ത്യൻ എഡിസൺ എന്നറിയപ്പെടുന്ന് ഗോപാൽ സ്വാമി ദുരൈസ്വാമി നായിഡു എന്ന് ജി. ഡി നായിഡുവായാണ് മാധവൻ എത്തുന്നത്. ജി. ഡി നായിഡു എന്ന് പേരിട്ടിരിക്കുന്ന് ചിത്രം സംവിധാനം ചെയ്യുന്നത് കൃഷ്ണകുമാറാണ്. മിഡിയ ഗ്ലോബൽ എന്റർടെയ്‌മെന്റാണ് ചിത്രം നിർമ്മിക്കുന്നത്. ബഹിരാകാശ ശാസ്ത്രജ്ഞൻ നമ്പി നാരായണന്റെ ജീവിത കഥ പറയുന്ന റോക്കട്രീ ദി നമ്പി ഇഫക്ടിന് മികച്ച പ്രതീകരണമാണ് വിവിധ ഭാഷകളിൽ ലഭിച്ചത്.

രാജ്യത്ത് ആദ്യമായി ഇലക്ട്രിക് മോട്ടോർ നിർമ്മിച്ചത് എഞ്ചിനിയറായ ജി. ഡി നായിഡുവാണ്. ഇന്ത്യൻ എഡിസൺ എന്നും വെൽത്ത് ക്രിയേറ്റർ ഓഫ് കോയമ്പത്തൂർ എന്നും അദ്ദേഹത്തിന് വിളിപ്പേരുണ്ട്.

ഇന്ത്യയുടെ കാർഷിക, മെക്കാനിക്കൽ, ഇലക്ട്രിക്കൽ മേഖലകളുടെ പുരോഗതിക്ക് സംഭാവനകൾ നൽകിയ വ്യക്തിയാണ് ഇദ്ദേഹം. 1893 മാർച്ച് 23 ന് കോയമ്പത്തൂരിലെ കലങ്കലിലാണ് ജി ഡി നായിഡു ജനിച്ചത്. ഇന്ത്യയിലെ ആദ്യത്തെ പോളിടെക്നിക് കോളേജ്, ആർതർ ഹോപ്പ് പോളിടെക്‌നിക്, ആർതർ ഹോപ്പ് കോളേജ് ഓഫ് എഞ്ചിനീയറിംഗ് എന്നിവ സ്ഥാപിച്ചതും ജി. ഡി നായിഡുവാണ്.