അഹാന കൃഷ്ണ കേന്ദ്ര കഥാപാത്രത്തെ അവതരിപ്പിക്കുന്ന ചിത്രത്തിനായി ഗാനം ആലപിച്ച് ഹരിശ്രീ അശോകൻ. പ്രശോഭ് വിജയൻ സംവിധാനം ചെയ്യുന്ന ‘അടി’ എന്ന ചിത്രത്തിന് വേണ്ടിയാണ് ഹരിശ്രീ അശോകൻ ഗാനം ആലപിക്കുന്നത്. ഷൈൻ ടോം ചാക്കോ നായകനാകുന്ന ചിത്രത്തിന്റെ പുതിയ ഗാനം പുറത്തുവിട്ടിരിക്കുകയാണ് അണിയറ പ്രവർത്തകർ.
ഹരിശ്രീ അശോകൻ പാടിയ ‘കൊക്കരക്കോ’ എന്ന വീഡിയോ ഗാനമാണ് പുറത്തുവിട്ടത്. അൻവർ അലിയുടെ വരികൾക്ക് ഗോവിന്ദ് വസന്തയാണ് ഈണമിട്ടിരിക്കുന്നത്. ‘ലില്ലി’, ‘അന്വേഷണം’ എന്നീ ചിത്രങ്ങൾക്കു ശേഷം പ്രശോഭ് വിജയന്റെ സംവിധാനത്തിൽ ഒരുങ്ങിയ ചിത്രമാണിത്. ഫായിസ് സിദ്ധിഖാണ് ചിത്രത്തിന്റെ ഛായാഗ്രാഹണം. അഹാന കൃഷ്ണയ്‌ക്കും ഷൈൻ ടോം ചാക്കോയ്‌ക്കും ഒപ്പം ധ്രുവൻ, ബിറ്റോ ഡേവിഡ്, ശ്രീകാന്ത് ദാസൻ എന്നിവരാണ് പ്രധാനവേഷങ്ങളിലെത്തുന്നത്.
ഹരിശ്രീ അശോകൻ ആലപിച്ച കൊക്കരക്കോ ഗാനം
ദുൽഖർ സൽമാന്റെ വേഫേറർ ഫിലിംസാണ് നിർമ്മാണം. ചിത്രം ഏപ്രിൽ 14-ന് വിഷു റിലീസായി തിയറ്റേറുകളിലെത്തും. ഛായാഗ്രഹണം ഫായിസ് സിദ്ധിഖ്. സുഡാനി ഫ്രം നൈജീരിയ ഫെയിം നൗഫൽ എഡിറ്റിംഗും സ്റ്റെഫി സേവ്യർ വസ്ത്രാലങ്കാരവും ആർട്ട് സുഭാഷ് കരുണും രഞ്ജിത് ആർ മേക്കപ്പും നിർവഹിച്ചിരിക്കുന്നു.
