കലോത്സവ വേദികളിൽ നിന്ന് അഭിനയത്തിന്റെ ലോകത്തേയ്ക്കെത്തിയ താരമാണ് നവ്യ നായർ. നന്നേ ചെറുപ്പത്തിൽ തന്നെ അഭിനയ ജീവിതത്തിലേക്കെത്തിയ താരത്തിന് അഭിനയ മികവ് തെളിയ്ക്കാൻ വളരെ പെട്ടെന്ന് തന്നെ കഴിഞ്ഞു. സിനിമയിൽ നിറസാന്നിധ്യമായിരുന്ന കാലകത്തായിരുന്നു നവ്യയുടെ വിവാഹം.
വിവാഹത്തിന് പിന്നാലെ വലിയൊരു ഇടവേളയെടുത്ത താരം ഒരുത്തി എന്ന ചിത്രത്തിലൂടെ തന്റെ രണ്ടാം വരവ് നടത്തിയിരുന്നു. ഇപ്പോൾ സ്റ്റേജ് ഷോകളിലും മത്സരങ്ങളിലുമൊക്കെ നവ്യ സജീവമായി ഇടപെടാറുണ്ട്. അങ്ങനെ മലയാളികളുടെ മനസ്സിൽ വീണ്ടും നിറയുകയാണ് നവ്യ. രണ്ടാം തിരിച്ചുവരവിൽ താരം രേഖപ്പെടുത്തിയ ചിത്രങ്ങളൊക്കെ ഒരുപിടി മികച്ച കഥാപാത്രങ്ങൾ ഉള്ളതുതന്നെയായിരുന്നു. എന്നും തന്റെ നിലപാടുകൾ തുറന്നു പറയുന്ന നവ്യ നൃത്തത്തിന്റെ ലോകത്താണ് കൂടുതലും സജീവമാകുന്നത്.
അഭിനയ രംഗത്ത് നിന്നും താത്കാലിക ഇടവേള എടുത്തിരുന്നെങ്കിലും നൃത്തവേദികളിൽ സജീവമായിരുന്നു. ഒപ്പം സമൂഹമാദ്ധ്യമങ്ങളിലും താരം നിറസാന്നിധ്യമാണ്. നവ്യ പുതുതായി പങ്കുവെച്ചിരിക്കുന്ന ചിത്രങ്ങളാണ് ആരാധകരുടെ നെഞ്ചിൽ ഇടം നേടിയിരിക്കുന്നത്. ജയറാമിന്റെ കുടുംബത്തോടൊപ്പമുള്ള ചിത്രങ്ങൾ പങ്കുവെച്ചുകൊണ്ടാണ് നവ്യ തന്റെ സന്തോഷം പങ്കുവെച്ചിരിക്കുന്നത്.
എനിക്ക് ഏറെ പ്രിയപ്പെട്ട ജയറാമേട്ടനും അശ്വതി ചേച്ചിക്കും ഒപ്പം…
കല്യാൺ നവരാത്രി എന്ന ഹാഷ് ടാഗോടെ ആണ് നവ്യ ചിത്രങ്ങൾ പങ്കുവെച്ചിരിക്കുന്നത്. കല്യാൺ ജ്വല്ലേഴ്സ് ഉടമ കല്യാണരാമൻ സംഘടിപ്പിച്ച പരിപാടിയിൽ പങ്കെടുക്കാനെത്തിയതായിരുന്നു നവ്യ. എനിക്ക് ഏറെ പ്രിയപ്പെട്ട ജയറാമേട്ടനും അശ്വതി ചേച്ചിക്കും ഒപ്പം എന്ന അടിക്കുറിപ്പോടെയാണ് താരം ജയറാമിനും പാർവതിക്കും ഒപ്പമുള്ള ചിത്രം പങ്കുവെച്ചിരിക്കുന്നത്.
Comments