ഐപിഎൽ 2023 പഞ്ചാബ് കിംഗ്‌സിനെതിരായ മത്സരത്തിന് മുന്നോടിയായി അയോദ്ധ്യ രാമക്ഷേത്രം സന്ദർശിച്ച് ലഖ്‌നൗ സൂപ്പർ ജയന്റ്‌സിന്റെ കളിക്കാരും സപ്പോർട്ട് സ്റ്റാഫും. ലഖ്‌നൗ സൂപ്പർ ജയന്റ്‌സ് (എൽഎസ്ജി) ടീം പഞ്ചാബ് കിംഗ്‌സിനെതിരായി (പിബികെഎസ്) വരാനിരിക്കുന്ന മത്സരത്തിന് മുന്നോടിയായാണ് അയോദ്ധ്യയിലെ രാമക്ഷേത്രം സന്ദർശിച്ചത്. എൽഎസ്ജി ടീം അംഗങ്ങളും കളിക്കാരും ക്ഷേത്രത്തിന് മുന്നിൽ നിൽക്കുന്ന ചിത്രം സമൂഹമാദ്ധ്യമങ്ങളിൽ വെെറലായി.
Lucknow Super Giants players at Ayodhya Ram Mandhir. pic.twitter.com/bKKjf7xlnd
— Johns. (@CricCrazyJohns) April 12, 2023
രാമക്ഷേത്രത്തിന്റെ നിർമ്മാണം ഇപ്പോഴും നടക്കുകയാണ്. ചിത്രത്തിൽ, ക്ഷേത്രത്തിന് മുന്നിൽ നിൽക്കുന്ന സ്പിന്നർ രവി ബിഷ്‌ണോയിയുടെ പിന്നിലായി “ജയ് ശ്രീ റാം” എന്ന് എഴുതിയ ഒരു ബാനറും ഉണ്ട്. ബിഷ്‌ണോയ് തന്റെ ഇൻസ്റ്റാഗ്രാം സ്റ്റോറിയിൽ പോസ്റ്റ് ചെയ്ത ഈ ചിത്രമാണ് വൈറലാകുന്നത്.
രാമക്ഷേത്രത്തിന്റെ 70 ശതമാനം പണിയും പൂർത്തിയായി. 2024 ജനുവരിയോടെ ശ്രീരാമവിഗ്രഹം പ്രതിഷ്ഠിക്കുമെന്നാണ് അറിയാൻ സാധിക്കുന്നത്. ഭക്തർക്ക് അന്നുമുതൽ ദർശനത്തിനും ആരാധനയ്‌ക്കുമുള്ള അവസരമുണ്ടാകും.സംക്രമ ദിവസം ക്ഷേത്രത്തിൽ രാംലല്ലയുടെ വിഗ്രഹം പ്രതിഷ്ഠിക്കുന്നത്. ഇതിന് ശേഷമാണ് ഭക്തർക്ക് ദർശനത്തിന് സൗകര്യമൊരുക്കുന്നത്. ഏറെ പ്രത്യേകതകളോടെയാണ് ക്ഷേത്രത്തിന്റെ നിർമ്മാണം പൂർത്തിയാക്കിയിരിക്കുന്നത്. 1800 കോടി രൂപ ചെലവിലാണ് ക്ഷേത്രം നിർമ്മിക്കുന്നത്. രാമനവമി ദിവസത്തിൽ രാംലല്ല വിഗ്രഹത്തിൽ സൂര്യ രശ്മികൾ പതിക്കുന്ന രീതിയിലാണ് ശ്രീകോവിലിന്റെ നിർമ്മാണം.
