സ്ട്രീറ്റ് ഫുഡ് ഇഷ്ടപ്പെടാത്തവരായി ആരും ഉണ്ടാകില്ല. സ്ട്രീറ്റ് ഫുഡ് ഇഷ്ടപ്പെടുന്നതിന്റെ പ്രധാന കാരണം ഭക്ഷണത്തിൽ നടത്തുന്ന വ്യത്യസ്തമായ പരീക്ഷണങ്ങളാണ്. അതുപോലെ തന്നെ വിചിത്രമായ പരീക്ഷണങ്ങൾ നാം സോഷ്യൽ മീഡിയയിലൂടെയും മറ്റും കാണാറുമുണ്ട്. ഒരു ചേർച്ചയുമില്ലാത്ത രണ്ട് രുചികളെ ചേർത്ത് അവിശ്വസനീയമായ കോമ്പിനേഷനുകൾ നമ്മൾ ഇത്തരം വീഡിയോകളിൽ കാണാറുണ്ട്. അത്തരമൊരു പാചക പരീക്ഷണത്തിന്റെ വീഡിയോ ആണ് ഇപ്പോൾ സോഷ്യൽ മീഡിയയിൽ പ്രചരിച്ചുകൊണ്ടിരിക്കുന്നത്.
മിക്കവരുടെയും പ്രിയപ്പെട്ട വിഭവമാണ് പറാത്ത. പറാത്തയിൽ തന്നെയാണ് ഇത്തവണത്തെ പരീക്ഷണം. ആലു പറാത്തയും പനീർ പറാത്തയുമെല്ലാം നാം കഴിച്ചിട്ടുണ്ടാകും. എന്നാൽ ഈ പറാത്ത കുറച്ച് വ്യത്യസ്തമാണ്. ഇവിടെ കോർനെറ്റോ ഐസ്‌ക്രീം- പറാത്ത കോമ്പിനേഷനാണ് പരീക്ഷിക്കുന്നത്. ട്വിറ്ററിലൂടെയാണ് ഈ പറാത്തയുടെ വീഡിയോ പ്രചരിക്കുന്നത്.
പറാത്തയ്‌ക്ക് കുഴയ്‌ക്കുന്ന മാവിലേയ്‌ക്ക് കോർനെറ്റോ ഐസ്‌ക്രീം ചേർത്ത് പരത്തുകയാണ് ആദ്യം ചെയ്യുന്നത്. ശേഷം അത് ചൂടാക്കിയ തവയിൽ വെച്ച് ചുടുകയാണ് ചെയ്യുന്നത്. ഇതിന്റെ വീഡിയോ സമൂഹ മാദ്ധ്യമങ്ങളിൽ പ്രചരിച്ചതോടെ നിരവധിപേരാണ് കമന്റുകളുമായി രംഗത്തെത്തിയിരിക്കുന്നത്. പറാത്ത പ്രേമികൾക്ക് സംഭവം ഒട്ടും ഇഷ്ടപ്പെട്ടിട്ടില്ല. ‘അയ്യോ വേണ്ടായേ’ എന്നാണ് പലരുടെയും കമന്റ്.
