പൊന്നിയിൻ സെൽവൻ രണ്ടാം ഭാഗത്തിനായി ചലച്ചിത്രലോകം ഏറെ ആവേശത്തോടെയാണ് കാത്തിരിക്കുന്നത്. കഴിഞ്ഞ സെപ്റ്റംബറിൽ റിലീസിനെത്തിയ പൊന്നിയിൻ സെൽവൻ ഒന്നാം ഭാഗത്തിന് വമ്പൻ വരവേൽപ്പായിരുന്നു പ്രേക്ഷകർ നൽകിയത്. വൻതാരനിര അണിനിരന്ന ചിത്രം ബോക്‌സ് ഓഫീസിലും മിന്നും വിജയമാണ് സ്വന്തമാക്കിയത്. മണിരത്‌നത്തിന്റെ സംവിധാനത്തിൽ ഒരുങ്ങുന്ന പൊന്നിയിൻ സെൽവൻ രണ്ടാം ഭാഗം ഉടൻ തിയറ്ററുകളിലെത്തും.
ഇപ്പോഴിതാ സിനിമയുടെ പ്രമോഷന്റെ ഭാഗമായി താരങ്ങൾ കോയമ്പത്തൂർ എത്തിയതിന്റെ ചിത്രങ്ങളാണ് സമൂഹമാദ്ധ്യമങ്ങളിൽ വൈറലാകുന്നത്. വിക്രം, കാർത്തി, തൃഷ, ജയം രവി, ഐശ്വര്യ ലക്ഷ്മി തുടങ്ങിയവരെല്ലാം ഫോട്ടോയിലുണ്ട്.
கோயம்புத்தூர்!! இதோ வர்ரோங்கண்ணா!! 💛#ps2 #CholasAreBack #ManiRatnam @arrahman @actor_jayamravi @Karthi_Offl @trishtrashers #AishwaryaLekshmi @LycaProductions pic.twitter.com/6Mkf5SlaO7
— Vikram (@chiyaan) April 16, 2023
എന്നാൽ ഫോട്ടോയിലെ വിക്രമിന്റെ ലുക്കാണ് എല്ലാവരും ശ്രദ്ധിക്കുന്നത്. വിക്രം തന്നെയാണ് ചിത്രം ട്വീറ്റ് ചെയ്തിരിക്കുന്നത്. വേറിട്ട ലുക്കിലാണ് താരം പ്രത്യക്ഷപ്പെട്ടിരിക്കുന്നത്. നീണ്ട മുടിയും താടിയും, തീരെ മെലിഞ്ഞ രൂപവും. സിമ്പിൾ സ്‌റ്റൈലൻ ലുക്ക്. പാ രഞ്ജിത്ത് ചിത്രം തങ്കലാന് വേണ്ടിയാണ് വിക്രമിന്റെ ഈ രൂപമാറ്റം. മലയാളികളായ പാർവതിയും മാളവിക മോഹനനും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു. ചിയാൻ വിക്രം നായകനാകുന്ന 61-മത്തെ ചിത്രമാണ് തങ്കലാൻ.
