എസ് ക്യൂബ് ഫിലിംസിന്റെ ബാനറിൽ ഒരുങ്ങുന്ന ചിത്രമായ ജാനകി ജാനേ റിലീസിനൊരുങ്ങുന്നു. ഗൃഹലക്ഷ്മി പ്രൊഡക്ഷൻസ് അവതരിപ്പിക്കുന്ന ചിത്രത്തിന്റെ രചനയും സംവിധാനവും നിർവഹിക്കുന്നത് അനീഷ് ഉപാസനയാണ്. ഉയരെയ്‌ക്ക് ശേഷം എസ് ക്യൂബിന്റെ സാരഥികളായ ഷെനുഗ, ഷെഗ്ന, ഷെർഗ എന്നിവർ ചേർന്ന് നിർമ്മിക്കുന്ന ചിത്രമാണ് ജാനകി ജാനെ. ചിത്രത്തിൽ കേന്ദ്ര കഥാപാത്രങ്ങളായി എത്തുന്നത് സൈജുക്കുറിപ്പ് നവ്യനായർ എന്നിവരാണ്.
ജോണി ആന്റണി, ഷറഫുദ്ദീൻ, കോട്ടയം നസീർ, അനാർക്കലി, പ്രമോദ് വെളിയനാട്, ജെയിംസ് ഏലിയാ, സ്മിനു സിജോ, ജോർജ് കോര, അഞ്ജലി സത്യനാഥ്, സതി പ്രേംജി, ശൈലജ കൊട്ടാരക്കര, അൻവർ, മണികണ്ഠൻ എന്നിവർക്കൊപ്പം അനേകം പുതുമുഖങ്ങളും അണിനിരക്കുന്നുണ്ട്. ഒറ്റ ഷെഡ്യൂളിൽ പൂർത്തിയായ ചിത്രത്തിന്റെ പ്രധാന ലൊക്കേഷൻ ഇരിഞ്ഞാലക്കുടയിലെ കാറളം എന്ന ഗ്രാമമായിരുന്നു.
ചിത്രത്തിന്റെ ആദ്യ ടീസർ തന്നെ സമൂഹമാദ്ധ്യമങ്ങളിൽ തരംഗം സൃഷ്ടിച്ചിരുന്നു. നർമ്മം കലർന്ന ഒരു കുടുംബ ചിത്രം എന്ന നിലയിലാണ് എസ്‌ക്യൂബ് ഇത്തവണ ചിത്രം പ്രേക്ഷകരിലേക്കെത്തിക്കുന്നത്. സൈജുകുറിപ്പിന്റെ മുഴുനീള നായകവേഷമാണ് ചിത്രത്തിന്റെ മറ്റൊരു സവിശേഷത. ഉണ്ണിമുകുന്ദൻ എന്ന പേരിലാണ് സൈജുക്കുറുപ്പ് ചിത്രത്തിൽ അവതരിക്കുന്നത്. സബ് കോൺട്രാക്ടർ ഉണ്ണി മുകുന്ദനായി സൈജുകുറുപ്പ് നായകനാവുമ്പോൾ ഓഫ് സെറ്റ് പ്രസ് ജീവനക്കാരിയായാണ് നവ്യ നായർ ചിത്രത്തിലെത്തുന്നത്. ചിത്രം തിയറ്റേറിൽ എത്തിക്കുന്നത് കൽപക റിലീസ് ആണ്.
ചിത്രത്തിന്റെ സംഗീത സംവിധായകർ കൈലാസ് മേനോനും സിബി മാത്യു അലക്‌സുമാണ്. ഛായാഗ്രഹണം-ശ്യാം പ്രകാശ്, എഡിറ്റിംഗ് -നൗഫൽ അബ്ദുള്ള, കോസ്റ്റ്യൂം – സമീറ സനീഷ്, മേക്കപ്പ്- ശ്രീജിത്ത് ഗുരുവായൂർ, ശബ്ദ മിശ്രണം- എംആർ രാജകൃഷ്ണൻ.
