ലക്നൗ: നിർമ്മാണം പുരോഗമിക്കുന്ന അയോദ്ധ്യയിലെ രാമക്ഷേത്രത്തിന്റെ ചിത്രങ്ങൾ പുറത്തുവിട്ട് ശ്രീരാമ ജന്മഭൂമി തീർത്ഥ ട്രസ്റ്റ്. ‘ ദശലക്ഷക്കണക്കിന് ശ്രീരാമ ഭക്തരുടെ കഠിനാദ്ധ്വാനം ഒടുവിൽ ഒരു പുണ്യ ക്ഷേത്രത്തിന്റെ രൂപം പ്രാപിക്കുന്നു. ജയ് ശ്രീറാം..!’ എന്ന അടിക്കുറിപ്പോടെയാണ് നിർമ്മാണത്തിലിരിക്കുന്ന ക്ഷേത്രത്തിന്റെ ചിത്രങ്ങൾ പുറത്തുവിട്ടത്. ട്വിറ്ററിലൂടെയാണ് ചിത്രങ്ങൾ പുറത്തുവിട്ടത്.
പണി പൂർത്തീകരിച്ച ക്ഷേത്രത്തിന്റെ പുറം ഭിത്തികൾ ചിത്രത്തിൽ വ്യക്തമാണ്. താഴത്തെ നിലയുടെ മേൽക്കൂരയുടെ ജോലികൾ ഇപ്പോൾ നടക്കുന്നു.
ജോലിസ്ഥലത്ത് തൊഴിലാളികളെ കാണാൻ കഴിയും. ആയിരക്കണക്കിന് രാമഭക്തരെ ഒരേ സമയം ക്ഷേത്രത്തിൽ പ്രവേശിപ്പിക്കുകയാണ് ലക്ഷ്യം.
2024 ജനുവരിയിലെ മകരസംക്രാന്തി ഉത്സവത്തിലാണ് വിഗ്രഹം ശ്രീകോവിലിൽ പ്രതിഷ്ഠിക്കുന്നത്. പൊതു തിരഞ്ഞെടുപ്പിന് മുൻപ് രാമക്ഷേത്രത്തിൽ വിഗ്രഹ പ്രതിഷ്ഠ നടത്തി ഭക്തരെ പ്രവേശിപ്പിക്കാനാണ് കേന്ദ്ര സർക്കാർ ലക്ഷ്യമിടുന്നത്.
