മലയാളത്തിലെ പ്രമുഖ കൊസ്റ്റ്യൂം ഡിസൈനറായ സ്റ്റെഫി സേവ്യർ സംവിധായകയാവുന്ന ചിത്രമാണ് മധുര മനോഹര മോഹം. ചിത്രത്തിന്റെ ട്രെയ്ലർ പുറത്തുവന്നു. കോമഡിയ്ക്ക് പ്രധാന്യം നൽകിയിരിക്കുന്ന ചിത്രത്തിൽ കുടുംബ പ്രേക്ഷകർക്ക് ആവശ്യമായ എല്ലാ ചേരുവകളും ഉണ്ടെന്നുള്ളത് വ്യക്തം. ഷറഫുദ്ദീൻ നായകനാകുന്ന ചിത്രത്തിൽ രജിഷാ വിജയനാണ് നായിക. ബുള്ളറ്റ് ഡയറീസ് എന്ന ചിത്രത്തിന് ശേഷം ബി3എം ക്രിയേഷൻസ് നിർമ്മിക്കുന്ന ചിത്രം എഴുതിയിരിക്കുന്നത് മഹേഷ് ഗോപാൽ, ജയ് വിഷ്ണു എന്നിവർ ചേർന്നാണ്. ചന്ദ്രു സെൽവരാജാണ് ചിത്രത്തിന്റെ ക്യാമറ.
ചിത്രത്തിൽ സൈജു കുറുപ്പും ഒരു കേന്ദ്ര കഥാപാത്രത്തെ അവതരിപ്പിക്കുന്നു. ഏറെ കാലത്തിന് ശേഷം കോമഡിയ്ക്ക് പ്രാധാന്യമുള്ള വേഷത്തിൽ ബിന്ദു പണിക്കരും എത്തുന്നുണ്ട്. ചിരിയുടെ പശ്ചാത്തലത്തിൽ ഒരു മുഴുനീള എന്റർടെയ്നർ ആണ് ചിത്രം എന്നാണ് ട്രെയ്ലർ നൽകുന്ന സൂചന. ഹിഷാം അബ്ദുൾ വഹാബ് സംഗീത സംവിധാനം നിർവഹിക്കുന്നത്. വിജയ രാഘവൻ, അൽത്താഫ് സലിം, ബിജു സോപാനം, ആർഷ ബൈജു, സുനിൽ സുഖദ എന്നിവരും കേന്ദ്ര കഥാപാത്രത്തെ ആവതരിപ്പിക്കുന്നു.
