കാസറ്റ് റിബണിൽ ഭഗവത് ഗീത എഴുതി പഞ്ചാബിയായ മദൻ മോഹൻവത്സ്. 510 ഗ്രാം ഭാരമുള്ള 15 മില്ലിമീറ്റർ വീതിയും 1365 മീറ്റർ നീളവുമുള്ള ഭഗവത്ഗീതയാണ് മോഹൻവത്സ് കാസറ്റ് റിബണിൽ എഴുതിയത്. അഭിഭാഷകനായ മോഹൻവത്സ് ചണ്ഡീഗഡിൽ തന്റെ സൃഷ്ടി പ്രദർശിപ്പിച്ചു.
‘ഡൽഹിയിലെ ഇസ്കോൺ ക്ഷേത്രത്തിൽ സ്ഥാപിച്ച 800 കിലോഗ്രാം ഭാരവും 9 അടി ഉയരവുമുള്ള ലോകത്തിലെ ഏറ്റവും ഭാരമേറിയ ഭഗവദ് ഗീതയിൽ നിന്നാണ് താൻ പ്രചോദനം കൊണ്ടത്. ഗീത വളരെ സവിശേഷമായ രീതിയിൽ എഴുതാൻ ഞാൻ ആഗ്രഹിച്ചു. അതുകൊണ്ടാണ് വ്യത്യസ്തമായി ഒരു കാസറ്റ് റിബണിൽ ഭഗവത് ഗീത എഴുതാൻ തീരുമാനിച്ചതെന്ന് മോഹൻവത്സ് പറഞ്ഞു.
മോഹൻവത്സ് തന്റെ എഴുത്ത് വായിക്കാൻ കഴിയുന്ന തരത്തിൽ രണ്ട് മൗണ്ട് ചെയ്ത 10 കാസറ്റുകൾ ഘടിപ്പിച്ച് പ്രത്യേകം രൂപകൽപ്പന ചെയ്ത ഡബിൾ അക്രിലിക് ഷീറ്റിലൂടെ റിബൺ കടത്തിവിടുന്നു. രണ്ട് 12 വാട്സ് മോട്ടോറുകളും ഒരു ബാറ്ററിയും ഉപയോഗിച്ച് റിബണിന്റെ വേഗത നിയന്ത്രിക്കാൻ കഴിയും. കാസറ്റ് റിബണിൽ ഭഗവത് ഗീതയിലെ എല്ലാ ശ്ലോകങ്ങളും അദ്ദേഹം ഉൾപ്പെടുത്തിയിട്ടുണ്ട്. തന്റെ അടുത്ത ലക്ഷ്യം ബോധി ഇലയിൽ ഭഗവത് ഗീത എഴുതുകയാണ് എന്ന് മദൻ മോഹൻവത്സ് പറഞ്ഞു.
