പത്തനംതിട്ട കളക്ടർ ദിവ്യ എസ്. അയ്യരുടെ കുടുംബത്തിൽ നടന്ന ഉപനയനം ചടങ്ങിൽ അതിഥിയായി നടൻ ഉണ്ണി മുകുന്ദൻ. ദിവ്യയും ഭർത്താവ് കെ.എസ്. ശബരിനാഥനും മകൻ മൽഹാറും ചടങ്ങിൽ പങ്കെടുത്തു. സഹോദരിയുടെ മകൻ നവനീതിന്റെ ഉപനയനം ചടങ്ങിലാണ് ഉണ്ണി മുകുന്ദൻ അതിഥിയായത്. നവനീതിന് ആശംസ അറിയിച്ചു കൊണ്ടുള്ള ചിത്രങ്ങൾ ഉണ്ണി തന്നെയാണ് ഫേസ് ബുക്കിൽ പോസ്റ്റ് ചെയ്തത്.
ഉപനയനം ചടങ്ങിൽ നവനീതിന് അനുഗ്രഹങ്ങൾ നൽകുന്നതിന്റെയും കുട്ടിയുടെ മാതാപിതാക്കൾക്കും ഒപ്പം ഉണ്ണി മുകുന്ദൻ സംസാരിക്കുന്നതിന്റെ ചിത്രങ്ങളും പോസ്റ്റ് ചെയ്തിട്ടുണ്ട്. തിരുവനന്തപുരം സ്വദേശിയായ റിട്ടയേർഡ് ഐഎസ്ആർഒ ഉദ്യോഗസ്ഥൻ ശേഷ അയ്യരുടെ മകളാണ് ദിവ്യ എസ്. അയ്യർ. സിവിൽ സർവീസ് പാസാകും മുൻപേ ഡോക്ടർ ആയിരുന്നു. അതിഥിയായ ഉണ്ണി മുകുന്ദനുമായി കുശലാന്വേഷണം നടത്തുന്ന ദിവ്യ എസ് അയ്യർക്കൊപ്പമുള്ള ചിത്രങ്ങളും ഉണ്ണി പങ്കുവെച്ചിട്ടുണ്ട്.
