നൂറാം എപ്പിസോഡുകൾ പൂർത്തിയാക്കുന്ന മൻ കി ബാത്തിന് അഭിനന്ദനവുമായി മൈക്രോസോഫ്റ്റ് സഹസ്ഥാപകൻ ബിൽ ഗേറ്റസ്. ‘ ശുചിത്വം, ആരോഗ്യം, സ്ത്രീകളുടെ സാമ്പത്തിക ശാക്തീകരണം, സുസ്ഥിര വികസന ലക്ഷ്യങ്ങളുമായി ബന്ധപ്പെട്ട മറ്റ് വിഷയങ്ങളിലൂന്നിയ പ്രവർത്തനങ്ങൾക്ക് മൻ കി ബാത്ത് ഉത്തേജനം നൽകി. നൂറാം എപ്പിസോഡിന് അഭിനന്ദനങ്ങൾ’ എന്നാണ് അദ്ദേഹം നരേന്ദ്രമോദിയെ പ്രശംസിച്ച് ട്വിറ്ററിൽ കുറിച്ചത്.
Mann ki Baat has catalyzed community led action on sanitation, health, women’s economic empowerment and other issues linked to the Sustainable Development Goals. Congratulations @narendramodi on the 100th episode. https://t.co/yg1Di2srjE
— Bill Gates (@BillGates) April 29, 2023
ഇന്ത്യയിലെയും വിദേശത്തെയും ജനങ്ങളുമായി സംവദിക്കുന്ന നൂറാം ദിനമാണ് നാളെ. ഹിന്ദി സംപ്രേക്ഷണം കഴിഞ്ഞയുടനെ ആകാശവാണി പ്രാദേശിക ഭാഷകളിൽ പരിപാടി സംപ്രേക്ഷണം ചെയ്യും. ഓൾ ഇന്ത്യ റേഡിയോയുടെയും ദൂരദർശന്റെയും മുഴുവൻ നെറ്റ് വർക്കിലും ആപ്പിലും പരിപാടി സംപ്രേക്ഷണം ചെയ്യും. എഐആർ ന്യൂസ്, ഡിഡി ന്യൂസ്, പിഎംഒ, വാർത്താ വിതരണ പ്രക്ഷേപണ മന്ത്രാലയത്തിന്റെ യൂട്യൂബ് ചാനലുതളിലും മൻ കി ബാത്തിന്റെ 100-ാം എപ്പിസോഡ് സംപ്രക്ഷേണം ചെയ്യും. ‘മൻ കി ബാത്ത്’ 22 ഇന്ത്യൻ ഭാഷകളിലേക്കും 29 ഭാഷകളിലേക്കും 11 വിദേശ ഭാഷകളിലേക്കും ആകാശവാണി വിവർത്തനം ചെയ്തിട്ടുണ്ട.
പ്രധാനമന്ത്രിയുടെ അഭിസംബോധന കേൾക്കാനായി രാജ്യത്തുടനീളം നാല് ലക്ഷത്തോളം സ്ഥലങ്ങളാണ് സജ്ജീകരിച്ചിരിക്കുന്നത്. ചരിത്രവിജയത്തിനാണ് രാജ്യം നാളെ സാക്ഷ്യം വഹിക്കുകയെന്ന് ബിജെപി ദേശീയദ്ധ്യക്ഷൻ ജെപി നദ്ദ വ്യക്തമാക്കി. ആഘോഷത്തിന്റെ സ്മരണയ്ക്കായി സ്റ്റാമ്പും നാണയവും പുറത്തിക്കിയിട്ടുണ്ട്. ജനങ്ങളുമായി ബന്ധപ്പെടാനും സന്ദേശം അയയ്ക്കാനും പൗരന്മാരുമായി ഇടപഴകാനും കൂട്ടായ പ്രവർത്തനങ്ങളെ ഉത്തേജിപ്പിക്കാനും സാംസ്കാരിക പ്രതിബദ്ധതയിൽ ശ്രദ്ധ കേന്ദ്രീകരിക്കാനും മാറ്റമുണ്ടാക്കുന്നവരെ ആഘോഷിക്കാനും ലക്ഷ്യമിട്ടാണ് മൻ കി ബാത്ത് ആരംഭിച്ചത്.
Comments