ബഹിരാകാശത്ത് പെട്രോൾ പമ്പുകൾ തുറക്കാൻ ഒരുങ്ങി അമേരിക്കൻ കമ്പനി . എന്നാൽ ഭൂമിയിലെ പെട്രോൾ പമ്പ് പോലെയാകില്ല ഈ പെട്രോൾ പമ്പ്. ഇത് ഒരു പ്രത്യേക തരം ഗ്യാസ് സ്റ്റേഷനായിരിക്കും. അമേരിക്കൻ സ്റ്റാർട്ടപ്പ് കമ്പനിയായ ഓർബിറ്റ് ഫാബാണ് ഈ ഗ്യാസ് സ്റ്റേഷൻ തുറക്കുന്നതിനു പിന്നിൽ.
ബഹിരാകാശത്ത് ഇന്ധനം നിറയ്‌ക്കാൻ സാധിക്കുമെന്നതിനാൽ ദീർഘദൂരം സഞ്ചരിക്കുന്ന ഉപഗ്രഹങ്ങൾക്ക് ഇന്ധനക്ഷാമം നേരിടേണ്ടിവരില്ല. ടെൻസിങ് ടാങ്കർ-001 എന്നാണ് കമ്പനി ഈ ഇന്ധനം നിറയ്‌ക്കുന്ന സ്റ്റേഷന് പേരിട്ടിരിക്കുന്നത്. ട്രാൻസ്‌പോർട്ടർ ഉപയോഗിച്ച് സ്‌പേസ് എക്‌സ് ബഹിരാകാശത്തേക്ക് അയച്ച പ്രോട്ടോടൈപ്പാണ് ടെൻസിങ് ടാങ്കർ-001. ഒരു ഉപഗ്രഹത്തിൽ നിന്ന് മറ്റൊന്നിലേക്ക് ഇന്ധനം മാറ്റാൻ ടാങ്കറിന് കഴിയുമോ എന്ന് നിർണ്ണയിക്കുക എന്നതായിരുന്നു ഈ പറക്കലിന്റെ ലക്ഷ്യം.
ടെൻസിംഗ് ടാങ്കർ-001 ഒരു മൈക്രോവേവിന്റെ ആകൃതിയിലാണ്. ഭൂമിയുടെ നിരീക്ഷണത്തിനും കാലാവസ്ഥാ ഉപഗ്രഹങ്ങൾക്കും ഇന്ധനം നിറയ്‌ക്കുക എന്നതാണ് ഇതിന്റെ പ്രധാന പ്രവർത്തനം. ഇത് ചിത്രങ്ങളും കാലാവസ്ഥയുമായി ബന്ധപ്പെട്ട വിവരങ്ങളും നൽകും. ഓർബിറ്റ് ഫാബിൽ നിന്ന് ഈ ക്രാഫ്റ്റിന് ഇന്ധനം നിറയ്‌ക്കുന്നതിന് രാജ്യമോ കമ്പനിയോ പണം നൽകേണ്ടിവരും.
ഉപഗ്രഹത്തിൽ ഇന്ധനം നിറച്ചിട്ടുണ്ടോ ഇല്ലയോ എന്ന് കണ്ടെത്താനുള്ള സെൻസറുകൾ ടെൻസിങ് ടാങ്കർ-001-ൽ ഉണ്ട്. ഇന്ധനം നിറച്ച ശേഷം അത് ഉപഗ്രഹത്തിൽ നിന്ന് വേർപെട്ട് മറ്റ് ഉപഗ്രഹങ്ങളിൽ ഇന്ധനം നിറയ്‌ക്കാൻ പുറപ്പെടും.
