ന്യൂഡൽഹി: മൻ കി ബാത്തിന്റെ 100-ാം എപ്പിസോഡിൽ രാജ്യത്തെ ഓരോ പൗരനും പരസ്പരം പ്രചോദനമായി മാറിയെന്ന് പ്രധാനമന്ത്രി നരേന്ദ്ര മോദി. പ്രിതിമാസ ഷോയുടെ ഓരോ എപ്പിസോഡും അടുത്തതിന് അവസരമൊരുക്കി. രാജ്യത്തിന്റെ പ്രസന്നതയിലൂടെ സ്വാതന്ത്ര്യത്തിന്റെ അമൃത്കാലിനുകീഴിൽ ഉയരങ്ങൾ കൈവരിക്കുമെന്നും പ്രധാനമന്ത്രി നരേന്ദ്രമോദി.
ഓരോ എപ്പിസോഡിലും രാജ്യത്തെ ജനങ്ങളുടെ സേവന മനോഭാവവും കഴിവും മറ്റുള്ളവർക്കും ഇതേ പാതയിൽ സഞ്ചരിക്കാൻ കൂടുതൽ പ്രചോദനമായി മാറി. മൻ കി ബാത്തിലൂടെ രാജ്യത്തെ പൗരന്മാർ മറ്റ് രാജ്യക്കാർക്ക് പ്രചോദനമായിമാറിയത് ശ്രദ്ധേയമാണ്. ഓരോ എപ്പിസോഡുകളും അടുത്തതിനെ കൂടുതൽ അർത്ഥവത്താക്കി മാറ്റി. മൻ കി ബാത്ത് എപ്പോഴും നല്ല ഉദ്ദേശ ലക്ഷ്യത്തോടെയാണ് മുന്നോട്ട് പോവുന്നത്. ഈ പ്രസന്നത സ്വാതന്ത്രത്തിന്റെ അമൃത്കാലിൽ രാജ്യത്തെ കൂടുതൽ മുന്നോട്ട് കൊണ്ട് പോവുകയും പുതിയ ഉയരങ്ങളിലേക്ക് എത്തിക്കുകയും ചെയ്യും. മൻ കി ബാത്ത് രാജ്യത്ത് പുതിയ പാരമ്പര്യമായി മാറിയതിൽ സന്തോഷമുണ്ട്. ഇത് എല്ലാവരുടെയും പരിശ്രമത്തിന്റെ ആത്മാവാണെന്നും പ്രധാനമന്ത്രി പറഞ്ഞു.
രാജ്യത്തെ ടൂറിസമേഖല അതിവേഗ വളർച്ചയ്ക്ക് സാക്ഷ്യം വഹിക്കുന്നു. ഈ മേഖല അഭിവൃദ്ധിപ്പെടണമെങ്കിൽ പ്രകൃതി വിഭവങ്ങളുടെ ശുചിത്വം നിലനിർത്തേണ്ടത് അനിവാര്യമാണ്. രാജ്യത്തെ ടൂറിസം മേഖലയിൽ ഗണ്യമായ പുരോഗതിയാണ് ഉണ്ടായിട്ടുള്ളത്. അതുകെണ്ട് തന്നെ പ്രകൃതി വിഭവങ്ങളായ ജലസ്രോതസുകളും മലകളും തീർത്ഥാടന കേന്ദ്രങ്ങളും ശുചിയായി സൂക്ഷിക്കണം. ഇത് ടൂറിസം വ്യവസായത്തെ സഹായിക്കും. വിനോദസഞ്ചാരത്തിന് വേണ്ടി വിദേശത്തേക്ക് പോകുന്നതിന് മുൻപ് രാജ്യത്തെ 15 വിനോദസഞ്ചാരങ്ങളെങ്കിലും സന്ദർശിക്കണം. പാരിസ്ഥിതിക പ്രശ്
നങ്ങൾ പരിഹരിക്കുന്നതിൽ മൻ കി ബാത്തിന്റെ ശ്രമം വലിയതോതിൽ പ്രാധാന്യമർഹിക്കുന്നതാണെന്നും പ്രധാനമന്ത്രി കൂട്ടിച്ചേർത്തു.
Comments