ന്യൂഡൽഹി ; കുപ്രസിദ്ധ ഗുണ്ടാത്തലവന് തില്ലു താജ്പുരിയ തിഹാര് ജയിലില് കൊല്ലപ്പെട്ടു . ഡൽഹി രോഹിണി കോടതിയിൽ നടന്ന വെടിവയ്പ്പിലെ പ്രതിയായ തില്ലു താജ്പുരിയയെ ജയിലിൽ വെച്ച് ഒരു സംഘം ഇരുമ്പ് വടികൊണ്ട് ആക്രമിക്കുകയും 40 ലേറെ തവണ കുത്തുകയുമായിരുന്നു . സ്ലാബുകൾ തകർക്കാൻ പലപ്പോഴും ഉപയോഗിക്കുന്ന വലിയ കത്തി പോലെയുള്ള ആയുധമായ സുവ ഉപയോഗിച്ചാണ് കുത്തിയത് . ‘ഗുണ്ടാ നേതാവ് യോഗേഷ് തുണ്ടയും അനുയായികളും ചേർന്നാണ് ആക്രമിച്ചത്.
ഇരുമ്പ് വടി കൊണ്ടുള്ള മർദനത്തിൽ ഗുരുതര പരിക്കേറ്റ താജ്പുരിയയെ ഉടൻ തന്നെ ദീൻ ദയാൽ ഉപാധ്യായ ആശുപത്രിയിൽ എത്തിച്ചെങ്കിലും വഴിയിൽവെച്ച് മരിച്ചതായി ഡോക്ടർമാർ അറിയിച്ചു.താജ്പുരിയക്കൊപ്പം സഹ തടവുകാരൻ രോഹിത്തിനും ആക്രമണത്തിൽ പരിക്കേറ്റിരുന്നു. ഇയാൾ അപകടനില തരണം ചെയ്തു.
ജിതേന്ദ്ര ഗോഗിയെ കൊലപ്പെടുത്തിയതിനുള്ള പ്രതികാരമായാണ് തില്ലിവിനെ കൊലപ്പെടിത്തിയതെന്നാണ് ജയിൽ അധികൃതർ പറയുന്നത്. ഗോഗിയുടെ സംഘത്തിൽപ്പെട്ട നാല് ഗുണ്ടാസംഘങ്ങളെ ജയിൽ നമ്പർ-9 ന്റെ ഒന്നാം നിലയിലാണ് പാർപ്പിച്ചിരുന്നത്.കൊലപാതകം നടത്തുന്നതിനായി സംഘം സെല്ലിന്റെ ഇരുമ്പ് ഗ്രിൽ മുറിച്ച് ഷീറ്റ് ഉപയോഗിച്ച് താഴത്തെ നിലയിലേക്ക് ചാടുകയായിരുന്നുവെന്ന് പോലീസ് കണ്ടെത്തി.
Comments