സിനിമയിൽ എന്ന പോലെ തന്നെ വളരെ സജീവമാണ് മഞ്ജു വാര്യർ സമൂഹമാദ്ധ്യമങ്ങളിലും. താരത്തിന്റെ കുഞ്ഞു കുഞ്ഞു വിശേഷങ്ങൾ പോലും സോഷ്യൽ മീഡിയയിൽ പങ്കുവെയ്ക്കാറുണ്ട് മഞ്ജു വാര്യർ. ഇത്തവണ അന്പരിപ്പിക്കുന്ന പോസ്റ്റുമായാണ് താരമെത്തിയിരിക്കുന്നത്. ഫുൾ സ്പ്ലിറ്റ് ചെയ്യുന്ന ചിത്രമാണ് സമൂഹ മാദ്ധ്യമങ്ങളില് പങ്കുവെച്ചത്.
‘നിങ്ങളെ സ്വയം പ്രോത്സാഹിപ്പിക്കൂ, അത് മാറ്റാരും നിങ്ങൾക്കുവേണ്ടി ചെയ്യാൻ പോകുന്നില്ല’ എന്ന അടിക്കുറിപ്പോടെയാണ് താരം ചിത്രം പോസ്റ്റ് ചെയ്തത്. നിരവധി പേരാണ് ചിത്രത്തിന് കമന്റുമായെത്തിയത്. നടിമാരായ സായ് പല്ലവി, സാധിക വേണുഗോപാൽ, ശരണ്യ മോഹൻ, ശിവദ, ദൗതമി നായർ തുടങ്ങി വൻ താരനിരയാണ് അഭിനന്ദിച്ചെത്തിയത്. ഹോക്കി താരം ശ്രീജേഷും അഭിനന്ദനവുമായെത്തി.
ഏറെ രസകരമായ കമന്റുകളും കമന്റ് ബോക്സിലുണ്ടായിരുന്നു. അതിലേറെ രസകരം രമേശ് പിഷാരടിയുടെ കമന്റാണ്. ‘ സ്വന്തം കാലിൽ നിൽക്കാനും ഇരിക്കാനും പറ്റി’ എന്നാണ് അദ്ദേഹം കുറിച്ചത്. ‘ഇത് എപ്പോ സംഭവിച്ചു’ എന്നാണ് നടിയും സംവിധായികയുമായ ഗീതു മോഹൻദാസ് കമന്റ് ചെയ്തത്.
