കാര്യമായ പ്രമോഷനുകൾ ഒന്നും ഇല്ലാതെ ആയിരുന്നു ജൂഡ് ആന്തണി സംവിധാനം ചെയ്ത 2018 തിയറ്ററുകളിൽ എത്തിയത്. എന്നാൽ ആദ്യ ദിനം മുതൽ തന്നെ ചിത്രം നിറഞ്ഞ സദസില് പ്രദർശനം തുടരുകയാണ്. മലയളത്തിലെ ഒരു വൻ താരനിരതന്നെ ചിത്രത്തിൽ അണിനിരക്കുന്നുണ്ട്. ചിത്രത്തിൽ മലയാളികൾക്ക് ഏറെ പ്രിയപ്പെട്ട താരം ടൊവിനോയും കേന്ദ്ര കഥാപാത്രത്തെ അവതരിപ്പിക്കുന്നു.
കഴിഞ്ഞ ദിവസമായിരുന്നു ടൊവിനൊ ചിത്രം കാണാൻ തിയറ്ററിൽ എത്തിയത്. ശേഷം ചിത്രത്തെ കുറിച്ചുള്ള അനുഭവം പങ്കുവെക്കുന്ന വേദിയിൽ താരത്തിനോട് ഒരു ആരാധകൻ ചോദിച്ച ചോദിച്ച ചോദ്യത്തിന് ടൊവിനൊ പറഞ്ഞ മറുപടിയാണ് ഇപ്പോൾ സമൂഹ മാദ്ധ്യമങ്ങളിലെ സംസാര വിഷയം. അരിക്കൊമ്പൻ എന്ന ചിത്രത്തിൽ ടൊവിനൊ അഭിനയിക്കുന്നുണ്ടോ എന്നായിരുന്നു ആരാധകന്റെ ചോദ്യം. ഇതിന് വളരെ രസകരമായാണ് നടൻ മറുപടി പറഞ്ഞത്. ‘ അരിക്കൊമ്പൻ എന്ന ചിത്രത്തിന് വേണ്ടി താൻ കൊമ്പ് വളർത്തിക്കൊണ്ടിരിക്കുകയാണ്’ എന്നായിരുന്നു ടൊവിനോയുടെ വാക്കുകൾ.
ഇടുക്കിയെ വിറപ്പിച്ച അരിക്കൊമ്പനെ പ്രമേയമാക്കി ‘അരിക്കൊമ്പൻ’ എന്ന പേരിൽ സംവിധായകൻ സാജിദ് യഹിയ ചിത്രം പ്രഖ്യാപിച്ചിരുന്നു. ‘ലോകത്തിലേറ്റവും ശക്തമായത് നീതിയാണ്’ ആ ടാഗ് ലൈനോടെയാണ് സിനിമ വരുന്നത്. ഈ സിനിമയെ കുറിച്ച് രസകരമായ ചർച്ചകളാണ് സോഷ്യൽ മീഡിയയിൽ നടക്കുന്നത്. ഇതിനിടെ നടനും മിമിക്രി ആർട്ടിസ്റ്റുമായ സനൂബറിന്റെ പോസ്റ്റ് ആണ് ശ്രദ്ധ നേടുന്നത്. ആനകളെ വച്ച് ‘കൊമ്പൻ’ എന്നൊരു സിനിമ എടുക്കാൻ താൻ ഉദ്ദേശിച്ചിരുന്നു എന്നാണ് സനൂബർ ഫെയ്സ്ബുക്കിൽ കുറിച്ചിരിക്കുന്നത്. ടൊവിനോയെയും വിജയ് ബാബുവിനെയും നായകൻമാരാക്കി ഒരുക്കാനിരുന്ന ചിത്രത്തിന്റെ ടൈറ്റിൽ പോസ്റ്ററും സനൂബർ പങ്കുവച്ചിട്ടുണ്ട്.
