ഒരുത്തി എന്ന ചിത്രത്തിന് ശേഷം സൈജു കുറുപ്പും നവ്യ നായരും വീണ്ടും ഒന്നിക്കുന്ന ഏറ്റവും പുതിയ ചിത്രമാണ് ജാനകി ജാനേ. എസ് ക്യൂബ് ഫിലിംസിന്റെ ബാനറിൽ ഇന്ന് പ്രദർശനത്തിനെത്തുന്ന ജാനകി ജാനേയുടെ രചനയും സംവിധാനവും നിർവഹിക്കുന്നത് അനീഷ് ഉപാസനയാണ്. ഇപ്പോഴിതാ ചിത്രം പുറത്തിറങ്ങും മുൻപേ തന്നെ ആസ്വദകഹൃദയങ്ങൾ കീഴടക്കി മുന്നേറുകയാണ് ചിത്രത്തിലെ ‘കരിമിഴി നിറയെ ഒരു പുതു കനവോ’ എന്നു തുടങ്ങുന്ന ഗാനം.
മനു മഞ്ജിത്തിന്റെ വരികൾക്ക് കൈലാസ് മേനോൻ ആണ് ഈ ഗാനത്തിന് ഈണം പകർന്നിരിക്കുന്നത്. സിതാര കൃഷ്ണകുമാറും കെ.എസ്.ഹരിശങ്കറും ചേർന്നു ഗാനം ആലപിച്ചിരിക്കുന്ന ഗാനം ചുരുങ്ങിയ സമയം കൊണ്ട് സമൂഹമാദ്ധ്യമങ്ങളിൽ ശ്രദ്ധേയമായിക്കഴിഞ്ഞു. മികച്ച പ്രതികരണങ്ങളാണ് ലഭിക്കുന്നത്.
ഉയരെ’ക്ക് ശേഷം എസ് ക്യൂബ് ഫിലിംസ് നിർമ്മിക്കുന്ന രണ്ടാമത്തെ ചിത്രം കൂടിയാണ് ജാനകി ജാനേ. ജോണി ആന്റണി, ഷറഫുദ്ധീൻ, കോട്ടയം നസീർ, പ്രമോദ് വെളിയനാട്, സ്മിനു സിജോ എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. ശ്യാമപ്രകാശ് എം.എസ് ഛായാഗ്രഹണവും നൗഫൽ അബ്ദുള്ള എഡിറ്റിങ്ങും നിർവഹിക്കുന്നു.
കലാസംവിധാനം ജ്യോതിഷ് ശങ്കർ, കോസ്റ്റും സമീറ സനീഷ്, മേക്കപ്പ് ശ്രീജിത്ത് ഗുരുവായൂർ, ടൈറ്റിൽ സോങ് കൈലാസ് മേനോൻ, ശബ്ദ മിശ്രണം എം ആർ രാജകൃഷ്ണൻ , പരസ്യകല ഓൾഡ് മോങ്ക് .പി ആർ ഓ മഞ്ജു ഗോപിനാഥ്. ജാനകി ജാനേ വിതരണത്തിനെത്തിക്കുന്നത് കല്പക റിലീസാണ്..
