ജനപ്രിയ നായകൻ ദിലീപിന്റെ നൂറ്റിനാല്പ്പത്തിയെട്ടാമത്തെ ചിത്രമായ ‘D148’ സെക്കന്ഡ് ഷെഡ്യൂൾ കട്ടപ്പനയിലും പരിസരപ്രദശങ്ങളിലുമായി ആരംഭിച്ചു. അമ്പതിലധികം ദിവസം നീണ്ടുനില്ക്കുന്ന ഈ ഷെഡ്യൂളോടെ ചിത്രീകരണം പൂര്ത്തിയാക്കും. സെക്കന്ഡ് ഷെഡ്യൂള് ഒരു വ്യത്യസ്ത കാലഘട്ടമായിട്ടാണ് ചിത്രീകരിക്കുകയെന്ന് രചയിതാവും സംവിധായകനുമായ രതീഷ് രഘുനന്ദന് പറഞ്ഞു
ചിത്രത്തിൽ നീത പിള്ള, പ്രണിത സുഭാഷ് എന്നിവര്ക്ക് പുറമേ മലയാളത്തിലേയും, തമിഴിലേയും ഒരു വന് താരനിര അണിനിരക്കുന്നുണ്ട്. അജ്മല് അമീര്, സുദേവ് നായര്, സിദ്ദിഖ്, മനോജ് കെ. ജയന്, കോട്ടയം രമേഷ്, മേജര് രവി,സന്തോഷ് കീഴാറ്റൂര്, അസീസ് നെടുമങ്ങാട്, തൊമ്മന് മാങ്കുവ, ജിബിന് ജി., അരുണ് ശങ്കരന്, മാളവിക മേനോന്, രമ്യ പണിക്കര്, മുക്ത, ശിവകാമി, അംബിക മോഹന്, സ്മിനു എന്നിവരും, കൂടാതെ തമിഴ് താരങ്ങളായ ജോണ് വിജയ്, സമ്പത്ത് റാം എന്നിവര്ക്ക് പുറമേ അമ്പതിലധികം ക്യാരക്ടര് ആര്ട്ടിസ്റ്റുകളും ചിത്രത്തില് അഭിനയിക്കുന്നുണ്ട്.
അഞ്ഞൂറോളം ജൂനിയര് ആര്ട്ടിസ്റ്റുകളുമായി കോട്ടയം സിഎംഎസ് കോളേജില് ജനുവരി 28 ന് ചിത്രീകരണം തുടങ്ങിയ ചിത്രം, ഈരാറ്റുപേട്ട, പൂഞ്ഞാര്, കാഞ്ഞിരപ്പളളി, കൂട്ടിക്കല്, കുട്ടിക്കാനം, പീരുമേട് എന്നിവടങ്ങളിലിയി മാര്ച്ച് എട്ടിനാണ് ആദ്യ ഷെഡ്യൂള് പൂര്ത്തിയാക്കിയത്. ബിഗ് ബഡ്ജറ്റില് ഒരുങ്ങുന്ന ഈ ചിത്രത്തില് തെന്നിന്ത്യയിലെ പ്രഗത്ഭരായ നാല് ഫൈറ്റ് മാസ്റ്റേഴ്സ് (രാജശേഖരന്, സ്റ്റണ് ശിവ, സുപ്രീം സുന്ദര്, മാഫിയ ശശി) സംഘട്ടന രംഗങ്ങള് ഒരുക്കുന്നു എന്ന പ്രത്യേകത കൂടിയുണ്ട്
