പട്ടായ ബീച്ചിൽ ഹണിമൂൺ ആഘോഷത്തിലാണ് മാളവികയും തേജസും. റിയാലിറ്റി ഷോയിലൂടെ പ്രേക്ഷകർക്ക് സുപരിചിതരായ മാളവിക കൃഷ്ണദാസും തേജസ് ജ്യോതിയും ഈയടുത്താണ് വിവാഹം കഴിച്ചത്. ഇരുവരും സമൂഹമാദ്ധ്യമങ്ങളിൽ സജീവമാണ്. മാളവിക ഇൻസ്റ്റഗ്രാമിലൂടെ പങ്കുവെച്ച വീഡിയോയും ചിത്രങ്ങളും പതിവ് പോലെ വൈറലായി കഴിഞ്ഞു.
പട്ടായ ബീച്ചിലെയും പാർക്കിലെയും വിശേഷങ്ങളാണ് ഇൻസ്റ്റഗ്രാമിലൂടെ പങ്കുവെച്ചത്. കടലിൽ നീന്തുന്നതും കടുവയ്‌ക്കൊപ്പമുള്ള ചിത്രവും ഇരുവരും പങ്കുവെച്ചിരുന്നു. ഇളനീർ കുടിക്കുന്നതിന്റെ ചിത്രവും വീഡിയോയും മാളവിക ഇൻസ്റ്റഗ്രാമിൽ പങ്കുവെച്ചിരുന്നു.
അതേസമയം കല്യാണം തീരുമാനിച്ചത് മുതലുള്ള എല്ലാവിശേഷങ്ങളും മാളവിക കൃത്യമായി യൂട്യൂബ് ചാനലിലൂടെ പങ്കുവെച്ചിരുന്നു. കഴിഞ്ഞ വർഷം ഡിസംബറിൽ ആണ് താൻ വിവാഹിതയാകാൻ പോകുന്ന വിവരം മാളവിക അറിയിച്ചത്. റിയാലിറ്റി ഷോയിലെ പ്രേമം റൗണ്ട് ആണ് ഞങ്ങൾ ആദ്യമായി ഒന്നിച്ച് ചെയ്തത്. അവിടെ നിന്നും ഇപ്പോൾ ഇവിടെ വരെ ഞങ്ങൾ എത്തിനിൽക്കുന്നു. ലോക്ഡൗൺ സമയത്താണ് ഈ പ്രപ്പോസൽ വരുന്നത്. അന്ന് എനിക്ക് 21 വയസ്സായിരുന്നു. ഇപ്പോൾ അത് വിവാഹം വരെ എത്തിയെന്നും മാളവിക പറഞ്ഞിരുന്നു.
