കഴിഞ്ഞ 30 വർഷത്തിനിടെ സ്പെയിനിലെ മുസ്ലീങ്ങളുടെ ജനസംഖ്യ 10 മടങ്ങ് വർദ്ധിച്ചു. സ്‌പെയിനിന്റെ ‘സെക്രട്ടറി ഓഫ് ഇസ്ലാമിക് കമ്മീഷൻ’ റിപ്പോർട്ടിലാണ് ഇക്കാര്യം വ്യക്തമാക്കുന്നത് . ഈ രാജ്യത്തെ മുസ്ലീം ജനസംഖ്യ 2.5 ദശലക്ഷം കവിഞ്ഞു. അനൗദ്യോഗിക കണക്കുകൾ പ്രകാരം സ്പെയിനിലെ മുസ്ലീങ്ങളുടെ ജനസംഖ്യ 30 ലക്ഷം കടന്നതായി ‘സെക്രട്ടറി ഓഫ് ഇസ്ലാമിക് കമ്മീഷൻ’ പറയുന്നു .
നേരത്തെ മുസ്ലീം ജനസംഖ്യയിൽ ഭൂരിഭാഗവും കുടിയേറ്റക്കാരായിരുന്നു, എന്നാൽ ഇപ്പോൾ മുസ്ലീം സമൂഹം സ്പെയിനിലെ പൗരന്മാരുടെ ഒരു പ്രധാന ഭാഗമായി മാറി . ഒരു ദശലക്ഷത്തിലധികം മുസ്ലീങ്ങൾ സ്പെയിനിലെ പൗരന്മാരാണ് . ബാക്കിയുള്ളവർ പ്രവാസികളും സ്പാനിഷ് വംശജരായ മുസ്ലീങ്ങളുമാണ്. മൊറോക്കോ, പാകിസ്താൻ, ബംഗ്ലാദേശ്, സെനഗൽ, അൾജീരിയ എന്നിവിടങ്ങളിൽ നിന്നുള്ള നിരവധി മുസ്ലീങ്ങൾ സ്പെയിൻ തങ്ങളുടെ രാജ്യമാക്കി മാറ്റി . കാറ്റലോണിയ, വലൻസിയ, അൻഡലൂഷ്യ, മാഡ്രിഡ് തുടങ്ങിയ വ്യാവസായിക മേഖലകളിലാണ് സ്പെയിനിലെ മുസ്ലീങ്ങളിൽ ഭൂരിഭാഗവും താമസിക്കുന്നത്.
സ്പെയിനിൽ നിലവിൽ 53 മുസ്ലീം സംഘടനകളുണ്ടെന്നും പള്ളികളുടെ എണ്ണം 2000 കടന്നതായും റിപ്പോർട്ട് പറയുന്നു . കൂടാതെ 40 ശ്മശാനങ്ങളുമുണ്ട്. മസ്ജിദുകൾ നിർമിക്കുന്നതിനും മറ്റും ലൈസൻസ് ലഭിക്കുന്നതിൽ പ്രശ്നമുണ്ടെന്ന് മുഹമ്മദ് അജന പറയുന്നു . സ്പെയിനിലെ അൻഡലൂസിയ മേഖലയിൽ എല്ലാ വെള്ളിയാഴ്ചകളിലും ആരെങ്കിലും ഇസ്‌ലാമിലേക്ക് പരിവർത്തനം ചെയ്യപ്പെടുന്നു. ഈ പരിവർത്തന പ്രക്രിയയെ ‘ഷഹാദ’ എന്ന് വിളിക്കുന്നു. അൻഡലൂഷ്യയിലെ ഗ്രാൻഡ് മോസ്‌ക്കിൽ വെള്ളിയാഴ്ചകളിൽ കൽമ ചൊല്ലിക്കൊണ്ടാണ് ഇസ്‌ലാമിക പരിവർത്തന പ്രക്രിയ പൂർത്തിയാകുന്നത്.
കൊറോണ പകർച്ചവ്യാധിയുടെ കാലത്ത് മതപരിവർത്തനത്തിൽ കുതിച്ചുചാട്ടമുണ്ടായതായി ‘സ്പാനിഷ് ഇസ്ലാമിക് സൊസൈറ്റി അസോസിയേഷന്റെയും’ ‘ഗ്രാനഡ ഗ്രാൻഡ് മോസ്‌ക് ഫൗണ്ടേഷന്റെയും’ പ്രസിഡന്റ് ഒമർ ഡെൽ പോസോ പറഞ്ഞു. സന്തോഷകരവും അഭിമാനകരവുമായ സംഭവമെന്നാണ് അദ്ദേഹം ഇതിനെ വിശേഷിപ്പിച്ചത്. ഗ്രാനഡയിൽ 36,000 മുസ്ലീങ്ങൾ ഉണ്ട്, അവരിൽ 3700 പേർ മതം മാറിയവരാണ്. പള്ളിയിലെ മതപരിവർത്തനങ്ങളുടെ വീഡിയോകളും ചിത്രങ്ങളും പുറത്തുവരുന്നുണ്ട്.
Comments