മുംബൈ : പ്രഭാസും, കൃതി സനോനും പ്രധാനകഥാപാത്രങ്ങളാകുന്ന ആദിപുരുഷ്, ജൂൺ 16 ന് ലോകമെമ്പാടുമുള്ള തീയറ്ററുകളിൽ പ്രദർശനത്തിനെത്തും . അതേസമയം നടൻ രൺബീർ കപൂർ രൺബീർ കപൂർ നിർധനരായ 10,000 കുട്ടികൾക്ക് ആദിപുരുഷ് കാണാൻ സൗജന്യ ടിക്കറ്റുകൾ നൽകുമെന്ന് പ്രഖ്യാപിച്ചിരിക്കുകയാണ് .
നിരാലംബരായ കുട്ടികൾക്കായി ആദിപുരുഷ് സിനിമ പ്രദർശിപ്പിക്കാനുള്ള തീരുമാനം സനാതനമൂല്യങ്ങൾക്ക് രൺബീർ നൽകുന്ന ആദരവാണെന്നാണ് കമന്റുകൾ . സെയ്ഫ് അലി ഖാനാണ് ആദിപുരുഷിൽ രാവണനായി അഭിനയിക്കുന്നത് . രാമായണത്തെ ആസ്പദമാക്കിയാണ് ചിത്രമൊരുക്കുന്നത്. തിന്മയ്‌ക്ക് മുകളിൽ നന്മയുടെ വിജയം എന്നാണ് ചിത്രത്തിന്‍റെ ടാഗ്‌ലൈൻ. രാമ-രാവണ യുദ്ധം പശ്ചാത്തലമാക്കിയാണ് ചിത്രമെത്തുന്നത്. ബോളിവുഡ് ചിത്രം താനാജി ഒരുക്കിയ ഓം റൗട്ടാണ് ഈ ചിത്രത്തിന്‍റെ സംവിധായകൻ. ടി സീരിസാണ് ചിത്രത്തിന്‍റെ നിർമാണം
