സിനിമാ താരങ്ങളുടെ അപൂർവ്വ ചിത്രങ്ങളും കുട്ടിക്കാല ഫോട്ടോകളും പ്രചരിക്കുന്നത് പുതുമയുള്ള സംഭവല്ല. ഇത്തരത്തിൽ പ്രചരിക്കുന്ന ചിത്രങ്ങൾ ആരാധകരും സോഷ്യൽ മീഡിയയും ആഘോഷിക്കാറുമുണ്ട്. ഇപ്പോൾ സമൂഹ മാദ്ധ്യമങ്ങൾ ഏറ്റെടുത്തിരിക്കുന്നത് തെന്നിന്ത്യൻ താരസുന്ദരി തമന്നയുടെ ചിത്രങ്ങളാണ്.
കുട്ടിക്കാലത്ത് സ്റ്റേജിൽ നിന്ന് തമന്ന നൃത്തം ചെയ്യുന്ന ചിത്രമാണ് ഇപ്പോൾ വൈറലാകുന്നത്. സോഷ്യൽ മീഡിയയിൽ വളരെ സജീവമായ തമന്ന തന്നെയാണ് ചെറുപ്പത്തിലെ ചിത്രങ്ങൾ പങ്കുവെച്ചത്. ”എന്റെ പ്രിയപ്പെട്ട ഗാനങ്ങൾക്കൊത്ത് നൃത്തം ചെയ്യുന്നതിലധികം സന്തോഷം മറ്റൊന്നും എനിക്ക് നൽകില്ലെന്ന് മനസ്സിലാക്കി തരുന്നത് ഇത്തരം കുട്ടിക്കാല ചിത്രങ്ങളാണ്.” എന്ന് ചിത്രത്തിനൊപ്പം താരം കുറിച്ചു. ആരാധകർ ഏറ്റെടുത്തതോടെ ഫോട്ടോ വൈറലാവുകയും ചെയ്തു.
തെന്നിന്ത്യൻ ചിത്രങ്ങൾക്ക് പുറമേ ബോളിവുഡിലും സാന്നിദ്ധ്യം അറിയിച്ചിട്ടുള്ള തമന്ന റിലീസ് ചെയ്യാനൊരുങ്ങുന്ന ദിലീപ് ചിത്രത്തിലൂടെയാണ് മലയാളത്തിലും ചുവട് വെച്ചിരിക്കുന്നത്. ബാന്ദ്ര എന്ന സിനിമയിൽ ദിലീപിന്റെ നായികയായാണ് തമന്ന എത്തുക.
Comments