മുംബൈ: നിയമം കൈയിലെടുക്കാൻ ആരെയും അനുവദിക്കില്ലെന്ന് മഹാരാഷ്ട്ര മുഖ്യമന്ത്രി ഏക്നാഥ് ഷിൻഡെ. ഛത്രപതി ശിവാജിയുടെ പ്രചോദനത്തിലും ആദർശങ്ങളിലുമാണ് കേന്ദ്ര സർക്കാർ പ്രവർത്തിക്കുന്നതെന്ന് അദ്ദേഹം പറഞ്ഞു. മാദ്ധ്യമപ്രവർത്തകരോട് സംസാരിക്കവെയാണ് മുഖ്യമന്ത്രി ഇക്കാര്യം വ്യക്തമാക്കിയത്.
‘ക്രമസമാധാനം നിലനിർത്തേണ്ടത് സർക്കാരിന്റെ ഉത്തരവാദിത്തമാണ്. പ്രതിപക്ഷം ടിപ്പുസുൽത്താനെയും ഔറംഗസേബിനെയും കുറിച്ച് സംസാരിക്കുന്നു. പക്ഷേ മഹാരാഷ്ട്രയിൽ ഇത് അനുവദിക്കില്ല. ഇത് ഛത്രപതി ശിവാജിയുടെ മഹാരാഷ്ട്രയാണ്. അദ്ദേഹത്തിന്റെ ആദർശങ്ങളിലൂടെയാണ് നമ്മുടെ സർക്കാർ മുന്നോട്ട് പോകുന്നത്’ ഏക്നാഥ് ഷിൻഡെ പറഞ്ഞു.
11 സംസ്ഥാനങ്ങളിൽ നിന്നുള്ള പാർട്ടി നേതാക്കളുടെ യോഗത്തിലും ഷിൻഡെ പങ്കെടുത്തു. ജമ്മുകശ്മീരിലെ വൈഷ്ണോദേവി ക്ഷേത്രവും അദ്ദേഹം സന്ദർശിച്ചു. പാർട്ടിയുടെ ചരിത്രത്തിലാദ്യമായാണ് ഇവിടെ പാർട്ടിയുടെ യോഗം നടന്നതെന്നും അതിൽ സന്തോഷമുണ്ടെന്നും ഷിൻഡെ കൂട്ടിച്ചേർത്തു.
