വിംബിൾഡൺ സമ്മാന തുക വർദ്ധിപ്പിച്ചു: സിംഗിൾസ് വിജയികൾക്ക് ലഭിക്കുന്നത് 250 കോടിയോളം രൂപ

ലണ്ടൻ; ഈ വർഷത്തെ വിംബിൾഡൺ സമ്മാനത്തുകയിൽ വൻ വർദ്ധന. പുരുഷ, വനിതാ ചാമ്പ്യന്മാരുടെ സമ്മാനത്തുകയിൽ 11 ശതമാനവും മൊത്തം സമ്മാനത്തുകയിൽ 17 ശതമാനത്തിലേറെയുമാണ് 2019 നെ അപേക്ഷിച്ച് വർദ്ധന. സിംഗിൾസ് കിരീടം നേടുന്ന താരത്തിന് 2.35 കോടി പൗണ്ടാണ് (250 കോടിയോളം രൂപ) സമ്മാനം.

മൊത്തം സമ്മാനത്തുക 4.47 കോടി പൗണ്ടാണ്. ആദ്യ റൗണ്ടുകളിൽ പരാജയപ്പെടുന്ന കളിക്കാരുടെ പ്രതിഫലം മുമ്പത്തെ അപേക്ഷിച്ച് വർദ്ധിപ്പിക്കുന്ന രീതിയിലാണ് പരിഷ്‌കാരം. ആദ്യ റൗണ്ടിൽ തോൽക്കുന്ന കളിക്കാർക്ക് 55,000 പൗണ്ട് ലഭിക്കും. 10 ശതമാനം വർദ്ധന.

ജൂലൈ മൂന്ന് മുതൽ 16വരെയാണ് ഗ്രാസ്‌കോർട്ട് ഗ്രാൻസ് സ്ലാം നടക്കുന്നത്. യോഗ്യതാ മത്സരത്തിന്റെ ആദ്യ റൗണ്ട് മുതൽ ചാമ്പ്യന്മാർ കിരീടം ചൂടുന്നത് വരെ, ഈ വർഷത്തെ പ്രൈസ് മണി വിതരണം ലക്ഷ്യമിടുന്നത് ചാമ്പ്യൻഷിപ്പിൽ കളിക്കാർ എത്രത്തോളം പ്രാധാന്യമുള്ളവരാണെന്ന് പ്രതിഫലിപ്പിക്കാനാണെന്ന്,’ ഓൾ ഇംഗ്ലണ്ട് ക്ലബ് ചെയർമാൻ ഇയാൻ ഹെവിറ്റ് പറഞ്ഞു.വീൽചെയർ, ക്വാഡ് വീൽചെയർ ഇവന്റുകൾക്കുള്ള സമ്മാനത്തുകയിൽ 40% വർദ്ധനവ് ഉണ്ടായിട്ടുണ്ട്, അതേ സമയം ടൂർണമെന്റിൽ മത്സരിക്കുന്ന കളിക്കാരുടെ എണ്ണം ഇരട്ടിയായി.