ലോകത്തിലെ ഏറ്റവും വലിയ മൂത്രാശയ കല്ല് നീക്കം ചെയ്ത് ശ്രീലങ്കൻ ഡോക്ടർമാർ. 13.372 സെന്റീമീറ്റർ നീളവും 801 ഗ്രാം ഭാരവുമുള്ള കല്ല് നീക്കം ചെയ്തതോടെ ശ്രീലങ്കൻ സൈന്യത്തിലെ ഡോക്ടർമാർ ഗിന്നസ് വേൾഡ് റെക്കോർഡും സ്വന്തമാക്കി.
കൊളംബോയിലെ സൈനിക ആശുപത്രിയിലാണ് സങ്കീർണമായ ശസ്ത്രക്രിയ നടത്തിയത്. യൂറിനറി വിഭാഗം മേധാവിയും കൺസൾട്ടന്റ് യൂറോളജിസ്റ്റുമായ ലെഫ്റ്റനന്റ് കേണൽ ഡോ. കെ. സുദർശനാണ് ശസ്ത്രിക്രിയ്ക്ക് നേതൃത്വം നൽകിയത്. ക്യാപ്റ്റൻ ഡോ. ഡബ്ല്യു.പി.എസ്.സി പതിരത്ന, ഡോ. തമാശ പ്രേമതിലക,കേണൽ ഡോ. യു.എ.എൽ.ഡി പെരേര, കേണൽ ഡോ, സി.എസ് അബെയ്സിംഗ് എന്നിവരും ശസ്ത്രിക്രിയിൽ പങ്കെടുത്തു. ജൂൺ ഒന്നിന് നടത്തിയ ശസ്ത്രക്രിയയിലൂടെ സൈനിക ആശുപത്രി ലോക റെക്കോർഡ് സ്വന്തമാക്കിയതായി ഗിന്നസ് അധികൃതരും സ്ഥിരീകരിച്ചു.
ഇതിന് മുൻപ് ഇന്ത്യയിലാണ് ഏറ്റവും വലിയ മൂത്രാശയ കല്ല് നീക്കം ചെയ്തത്. 2004-ൽ 13 സെന്റിമീറ്റർ നീളമുള്ള കല്ലായിരുന്നു നീക്കം ചെയ്തത്.
Comments