നീണ്ട നാളത്തെ പ്രണയത്തിനൊടുവിൽ ബോളിവുഡ് സുന്ദരി സുസ്മിത സെന്നും മോഡൽ റൊഹ്മാൻ ഷോളും രണ്ടുവർഷം മുൻപാണ് വേർപിരിയുന്നത്.വിവരം നടി ഇൻസ്റ്റാഗ്രാം പോസ്റ്റിലൂടെ വെളിപ്പെടുത്തിയിരുന്നു. വിവാഹ അഭ്യൂഹങ്ങൾക്കിടെയുള്ള ഇവരുടെ വേർപിരിയൽ ആരാധകരെ ഞെട്ടിച്ചിരുന്നു. പിന്നീട് ലളിത് മോഡിയുമായി സുസ്മിത പ്രണയത്തിലാണെന്ന് വാർത്തകളും വന്നു. ഇരുവരും ഒരുമിച്ചുള്ള ഫോട്ടോകളും വ്യാപകമായി പ്രചരിച്ചിരുന്നു. എന്നാലിപ്പോൾസുസ്മിതയും റൊഹ്മാനും വീണ്ടും പ്രണയത്തിലാണെന്ന വാർത്തകളാണ് പുറത്തുവരുന്നത്. പൊതുവേദിയിൽ ഇരുവരും ഒന്നിച്ച് പ്രത്യക്ഷപ്പെട്ടതോടെയാണ് അഭ്യൂഹങ്ങൾ ശക്തമായത്.
ഇപ്പോൾ പ്രണയവാർത്തകൾക്ക് ശക്തി പകർന്നുകൊണ്ട് സുസ്മിതയെക്കുറിച്ചുള്ള റൊഹ്മാന്റെ വാക്കുകളാണ് പുറത്തുവരുന്നത്.അവൾ എന്തുതന്നെ ചെയ്താലും അതെല്ലാം മികച്ചതായിരിക്കും. അവൾക്കൊപ്പമുള്ള ജീവിതം തന്നെ പഠിക്കാനുള്ളതാണ്. അവൾ ചുറ്റും എറിയുന്ന പ്രചോദനത്തിന്റെ അളവ് നിങ്ങൾക്ക് ശരിക്കും ഉൾക്കൊള്ളാൻ കഴിയില്ല, നിങ്ങൾ അവളുടെ ചുറ്റും ഉണ്ടായിരിക്കണം. ഇത് ഇൻസ്റ്റാഗ്രാമിലെ പോലെയല്ല, അവൾക്ക് ചുറ്റും ഉണ്ട്, നിങ്ങൾ അവളുടെ സാന്നിധ്യത്തിലാണെങ്കിൽ നിങ്ങൾക്ക് കൊള്ളാമെന്ന് തോന്നും.- റൊഹ്മാൻ പറഞ്ഞു.
പൊതുവേദിയിൽ ഒന്നിച്ചെത്തിയതിനെ കുറിച്ചും റൊഹ്മാൻ പറഞ്ഞു. തങ്ങളെ ഒരുമിച്ച് കാണാൻ നല്ലതാണ് എന്നാണ് താരം പറഞ്ഞത്. ഞങ്ങൾ ആളുകൾക്ക് വേണ്ടിയല്ല ജീവിക്കുന്നത്. നമ്മൾ നമ്മുടെ കാര്യങ്ങൾ ചെയ്യണം. ആളുകൾ അവർക്കിഷ്ടമുള്ളതായിരിക്കും പറയുക. അത് അവരുടെ കാര്യമാണ്. നമ്മൾ ആരോടും ഉത്തരം പറയേണ്ടതില്ല. ആളുകൾ പറയുന്ന എല്ലാ കാര്യങ്ങളിലും ഞങ്ങൾക്ക് അഭിപ്രായം പറഞ്ഞുകൊണ്ടേയിരിക്കാൻ കഴിയില്ല. ഞങ്ങൾ ഞങ്ങളുടെ ജീവിതം നയിക്കുന്നു, അത്രമാത്രം.- റൊഹ്മാൻ വ്യക്തമാക്കി. 2018 മുതലാണ് സുസ്മിതയും റൊഹ്മാനും പ്രണയത്തിലാവുന്നത്. തുടർന്ന് സോഷ്യൽ മീഡിയിലൂടെ സുസ്മിത വാർത്ത സ്ഥിരീകരിക്കുകയായിരുന്നു.
