ലോകമെമ്പാടും ആരാധകരുള്ള ഒരു താരമാണ് ഹൃത്വിക് റോഷൻ. കരിയറിന്റെ തുടക്ക കാലം മുതൽ ഒരു വലിയ ആരാധകകൂട്ടം തന്നെ ഹൃത്വിക് സമ്പാദിച്ചിരുന്നു. ഇപ്പോഴിതാ തന്റെ ആരാധികയുടെ ഒരു വീഡിയോയാണ് സോഷ്യൽ മീഡിയയിൽ തരംഗമാകുന്നത്. പൊതു വേദിയിൽ ജനങ്ങളെ സാക്ഷിയാക്കി എഴുപതുകാരിയായ ആരാധിക തന്റെ ഇഷ്ടം ഹൃത്വിക്കിനോട് തുറന്നു പറഞ്ഞിരിക്കുകയാണ്.
‘ഞാൻ താങ്കളുടെ വലിയ ആരാധികയാണ്. എനിക്ക് നിങ്ങളെ ഒരുപാട് ഇഷ്ടമാണ്. എന്തുചെയ്യാനാണ്, നിങ്ങളെക്കാൾ വളരെ മുൻപ് ഞാൻ ജനിച്ചുപോയി. അല്ലായിരുന്നെങ്കിൽ നിങ്ങളെ ഞാൻ വിവാഹം കഴിക്കുമായിരുന്നു’ എന്നായിരുന്നു ആരാധികയുടെ വാക്കുകൾ.
‘സിംഗിൾ ആണോ’ എന്നായിരുന്നു ആരാധികയോട് താരം മറുപടിയായി ചോദിച്ചത്. അല്ല എന്ന് ആരാധികയും മറുപടി പറഞ്ഞു. ‘ഇവിടെ പ്രായമല്ല പ്രശ്നം ഞാൻ സിഗിളാണ്’ എന്നായിരുന്നു നടൻ ഉത്തരം നൽകിയത്. ഇവരുടെ രസകരമായ വീഡിയോ ഇപ്പോൾ സോഷ്യൽ മീഡിയയിൽ വൈറലായിട്ടുണ്ട്.
