സ്വര്‍ണവില ഇന്നും മേലോട്ട്; നിരക്കിങ്ങനെ..

തിരുവനന്തപുരം: സംസ്ഥാനത്ത് സ്വര്‍ണവില ഇന്നും ഉയരുന്നു. ഗ്രാമിന് 10 രൂപ ഉയര്‍ന്ന് വില 5,435 രൂപയായി. പവന് 80 രൂപ വര്‍ധിച്ച് വില 43,480 രൂപയിലുമെത്തി. ശനിയാഴ്ച ഒരു പവന് 120 രൂപ കൂടിയിരുന്നു. എന്നാല്‍ കഴിഞ്ഞ വാരം പവന് 800 രൂപയുടെ കുറവ് രേഖപ്പെടുത്തിയിട്ടുണ്ട്.

ചൊവ്വാഴ്ച മുതല്‍ നാല് ദിവസത്തിനിടെ 800 രൂപയുടെ ഇടിവ് രേഖപ്പെടുത്തിയ ശേഷം ശനിയാഴ്ച മുതലാണ് വില ഉയരാന്‍ തുടങ്ങിയത്. മൂന്ന് ദിവസത്തിനിടെ 200 രൂപ വര്‍ധിച്ചു.

ഈ മാസം ഒന്നിന് 44,560 രൂപയായിരുന്നു സ്വര്‍ണവില. രണ്ടിന് രേഖപ്പെടുത്തിയ 44,800 രൂപയാണ് ഈ മാസത്തെ ഏറ്റവും ഉയര്‍ന്ന നിരക്ക്. വെള്ളിയാഴ്ച രേഖപ്പെടുത്തിയ 43,280 രൂപയാണ് ഈ മാസത്തെ ഏറ്റവും താഴ്ന്ന വിപണിവില.