രാജ്യത്തെ ഇലക്ട്രിക് കാർ വിപണി അനുദിനം വളരുകയാണ്. ഇലക്ട്രിക് കാർ വിപണിയിൽ ആധിപത്യം സ്ഥാപിച്ച ബ്രാൻഡാണ് ടാറ്റാ മോഡേഴ്സ്. പത്ത് ലക്ഷം രൂപയിൽ താഴെ മാത്രം വിലയുള്ള ടാറ്റ ടിയാഗോ ഇവി മുതൽ ടാറ്റ നെക്സോൺ ഇവി മാക്സ് വരെയുള്ള വാഹനങ്ങളിലൂടെ ടാറ്റാ ഇവി വിപണിയിൽ നിറസാന്നിധ്യമാവുകയാണ്.
വിപണിയിൽ അവതരിപ്പിച്ചതിന് പിന്നാലെ ജനപ്രീതി സ്വന്തമാക്കിയ ഒന്നാണ് ടാറ്റ നെക്സോൺ ഇലക്ട്രിക് എസ്യുവി. രാജ്യത്ത് ഏറ്റവുമധികം വിറ്റഴിക്കപ്പെടുന്ന ഇലക്ട്രിക് വാഹനമാണിത്. 2020-ലാണ് വാഹനം ഇന്ത്യയിൽ അവതരിപ്പിച്ചത്. ഇതിനോടകം തന്നെ ടാറ്റ നെക്സോൺ 50,000 യൂണിറ്റ് വിൽപന പൂർത്തിയാക്കിയിരിക്കുകയാണ്. ഈ നേട്ടം സ്വന്തമാക്കിയ ഇന്ത്യയിലെ ആദ്യത്തെ ഇലക്ട്രിക് കാർ ആണിത്. ഡിസൈൻ, ബാറ്ററി തുടങ്ങിയ എല്ലാ കാര്യങ്ങളിലും ഒരുപിടി മുന്നിലാണ് ടാറ്റ നെക്സോൺ.
ടാറ്റ നെക്സോൺ ഇവി നിലവിൽ ഇവി പ്രൈം, ഇവി മാക്സ് എന്നീ വേരിയന്റുകളിലാണ് ലഭിക്കുന്നത്. ഇവിയുടെ ഡാർക്ക് എഡിഷൻ വേരിയേഷനുകളും ലഭ്യമാണ്. ടാറ്റ നെക്സോൺ ഇവി പ്രൈമിന്റെ എക്സ് ഷോറൂം വില ആരംഭിക്കുന്നത് 14.49 ലക്ഷം രൂപ മുതലാണ്. നെക്സോൺ ഇവി മാക്സിന്റെ എക്സ്ഷോറൂം വില 18.79 ലക്ഷം രൂപ മുതൽ ആരംഭിക്കുന്നു. നെക്സോൺ ഇവി മാക്സ് 453 കിലോമീറ്റർ ഉയർന്ന് റേഞ്ച് നൽകുന്നുണ്ട്. നെക്സോൺ ഇവി പ്രൈം ഏകദേശം 300 കിലോമീറ്റർ റേഞ്ച് നൽകുന്നു. പുതിയ തലമുറ എച്ച്്ഡി ഡിസ്പ്ലേയും പുതിയ റിവേഴ്സ് പാർക്കിംഗ് ക്യാമറയും ഇതിൽ ലഭ്യമാണ്.
ടാറ്റ നെക്സോൺ ഇവി മാക്സ് 7.2 kW എസി ചാർജർ ഉപയോഗിച്ച് പൂർണമായി ചാർജ് ചെയ്യാൻ 6.5 മണിക്കൂർ സമയമാണ് ആവശ്യം. 50 kW ഡിസി ചാർജിംഗ് സപ്പോർട്ടും വാഹനത്തിലുണ്ട്. ഇതുവഴി ബാറ്ററി ഏകദേശം 80 ശതമാനത്തോളം ചാർജ് ചെയ്യാനായി 56 മിനിറ്റ് സമയം മാത്രം മതി. മൾട്ടി-സിറ്റി ട്രിപ്പുകൾ നടത്താനുള്ള കഴിവ് പ്രശംസനീയമാണ്. 95 മണിക്കൂറും 46 മിനിറ്റും സമയമെടുത്താണ് വാഹനം കശമീർ മുതൽ കന്യാകുമാരി വരെ സഞ്ചരിച്ചത്. ഇത്ര ദൂരം ഡ്രൈവ് ചെയ്ത് എത്തിയ ഇലക്ട്രിക് കാർ എ്ന നിലയിൽ ഇന്ത്യ ബുക്ക് ഓഫ് റെക്കോർഡ്സിവും ഇടം നേടിയിരുന്നു.
