ഏറെ വൈവിധ്യം നിറഞ്ഞതാണ് ഇന്ത്യൻ വിഭവങ്ങൾ. ഓരോ പച്ചക്കറിയും മത്സ്യവും മാംസവും പല വ്യത്യസ്ത രീതിയിലാണ് ഉപയോഗിക്കുന്നത്. സമ്പന്നമായ രുചിയും മറ്റും ആഗോളതലത്തിൽ പോലും ഇന്ത്യൻ വിഭവങ്ങളോടുള്ള ജനപ്രീതി വർദ്ധിപ്പിക്കുന്നുണ്ട്്. അത്തരത്തിൽ ഇന്ത്യയിൽ ജനപ്രിയമായ വിഭാഗമാണ് ചിക്കൻ വിഭവങ്ങൾ. ആഗോളതലത്തിൽ ഇന്ത്യയിലെ ചിക്കൻ വിഭവങ്ങൾക്ക് ഫാൻസ് കൂടുതലാണെന്ന് തെളിയ്ക്കുകയാണ് ടേസ്റ്റ് അറ്റ്ലസ് എ്ന ഓൺലൈൻ ട്രാവൽ ഗൈഡിന്റെ പട്ടിക.
ലോകത്തിലെ ഏറ്റവും ജനപ്രീതി ലഭിച്ച ചിക്കൻ വിഭവങ്ങൾ ഉള്ള രാജ്യങ്ങളുടെ പട്ടികയിൽ ആദ്യ അഞ്ചിൽ ഇന്ത്യയും ഇടംനേടി. ടേസ്റ്റ് അറ്റ്ലസിന്റെ ലോകത്തിലെ മികച്ച 50 ചിക്കൻ വിഭവങ്ങളിലാണ് നാല് സ്ഥാനങ്ങളിൽ ഇന്ത്യ സ്ഥാനം ഉറപ്പിച്ചത്. നാടൻ ഭക്ഷണങ്ങൾ, പാചക കുറിപ്പുകൾ, ഗവേഷണ ലേഖനങ്ങൾ തുടങ്ങിയവയിൽ ശ്രദ്ധ കേന്ദ്രീകരിക്കുന്ന ഓൺലൈൻ ട്രാവൽ ഗൈഡാണ് ടേസ്റ്റ് അറ്റ്ലസ്.
https://www.instagram.com/p/Ct1k5f5IniI/?utm_source=ig_web_copy_link
പട്ടികയിൽ നാല് ഇന്ത്യൻ വിഭവങ്ങളാണ് സുപ്രധാന സ്ഥാനങ്ങൾ സ്വന്തമാക്കിയത്. മൂന്നാം സ്ഥാനത്ത് മുർഗ് മഖാനി, നാലാം സ്ഥാനത്ത് മുർഗ് ടിക്ക, 19-ാം സ്ഥാനത്ത് തന്തൂരി മുർഗ്, 25-ാം സ്ഥാനത്ത് ചിക്കൻ 65. ഇറാനിൽ നിന്നുള്ള ചിക്കൻ വിഭവം ജുജെ കബാബ് ആണ് ഒന്നാം സ്ഥാനത്ത്. രണ്ടാം സ്ഥാനവും ദക്ഷിണ കൊറിയയുടെ ഡാക് ഗാൽബിയ്ക്കാണ്.
