കോടികളുടെ ബജറ്റിൽ ഒരുങ്ങുന്ന സിനിമാ മേഖലയാണ് ബോളിവുഡ്. അതുകൊണ്ട് തന്നെ ബോളിവുഡ് സിനിമയിലെത്തുന്ന നായികാ നായകൻമാരുടെ വരുമാനവും കോടികളാണ്. ഓരോ പ്രൊജക്ടിനും കോടിക്കണക്കിന് രൂപയാണ് ഹീറോയും ഹീറോയിനും ഈടാക്കുക. 2023ൽ ഏറ്റവും അധികം പണമീടാക്കുന്ന ഇന്ത്യൻ നടിമാർ ആരെല്ലാമാണെന്ന് നോക്കാം.
പ്രിയങ്കാ ചോപ്രാ ജോനസ്: IMDb പറയുന്നതനുസരിച്ച് ഒരു സിനിമയ്ക്ക് അല്ലെങ്കിൽ സീരീസിന് പ്രിയങ്ക വാങ്ങുന്ന തുക 15 കോടി രൂപ മുതൽ 40 കോടി രൂപ വരെയാണ്.
ദീപിക പദുക്കോൺ: 1986ൽ ജനിച്ച ദീപിക ഇന്ന് ഇന്ത്യയിലെ ഏറ്റവും ജനപ്രിയ നടികളിൽ ഒരാളാണ്. ഓരോ സിനിമയ്ക്കും 15 മുതൽ 30 കോടി രൂപയാണ് ദീപിക ആവശ്യപ്പെടുന്നത്.
കങ്കണ റണാവത്ത്: ഇന്ത്യയിൽ ഏറ്റവുമധികം പണമീടാക്കുന്ന നടിമാരിൽ ഒരാളാണ് കങ്കണ. ക്വീൻ സിനിമയിലൂടെ പ്രേക്ഷകരുടെ മനം കവർന്ന നടിയുടെ വരുമാനം 15 മുതൽ 27 കോടി രൂപ വരെയാണ്.
കത്രീന കൈഫ്: സിന്ദഗി ന മിലേഗി ദൊബാര താരമായ കത്രീന കൈഫ് ഏറ്റവും വിജയകരമായി അഭിനയ ജീവിതം പുലർത്തുന്ന ഇന്ത്യൻ നടിമാരിൽ ഒരാളാണ്. IMDbയുടെ കണക്കനുസരിച്ച് 15 മുതൽ 21 കോടി രൂപ വരെയാണ് സിംഗിൾ പ്രൊജക്ടിന് കത്രീന ഈടാക്കുന്നത്.
ആലിയ ഭട്ട്: 1993ൽ ജനിച്ച ആലിയ ഭട്ട് പുതുതലമുറ നടിമാരിൽ ഏറ്റവും ജനപ്രീതി നേടിയ ഒരാളാണ്. ഫോബ്സ് മാഗസീൻ പുറത്തുവിടുന്ന ഇന്ത്യയിലെ 100 സെലിബ്രിറ്റികളുടെ പട്ടികയിൽ 2014 മുതൽ ഇടംപിടിക്കാൻ ആലിയയ്ക്ക് കഴിഞ്ഞിട്ടുണ്ട്. നടൻ രൺബീർ കപൂറിന്റെ ഭാര്യയായ ആലിയ 10 മുതൽ 20 കോടി രൂപ വരെ ഓരോ സിനിമയ്ക്കും ആവശ്യപ്പെടാറുണ്ട്.
അനുഷ്ക ശർമ്മ: ക്രിക്കറ്റ് താരം വിരാട് കോലിയുടെ ഭാര്യയും ജനപ്രിയ ബോളിവുഡ് താരവുമായ അനുഷ്ക ശർമ്മ ഓരോ പ്രൊജക്ടിനും എട്ട് മുതൽ 12 കോടി രൂപ വരെയാണ് ഈടാക്കുന്നത്.
ഐശ്വര്യ റായി ബച്ചൻ: 49കാരിയായ ഐശ്വര്യ റായി പത്ത് കോടി രൂപയാണ് സിംഗിൾ പ്രൊജക്ടിന് 2023ൽ ഈടാക്കുന്നത്.
നയൻതാര: ദക്ഷിണേന്ത്യൻ സിനിമാപ്രേമികളുടെ സ്വന്തം നയൻതാര രണ്ട് കോടി രൂപ മുതൽ 10 കോടി രൂപ വരെ ഓരോ സിനിമയ്ക്കും ഈടാക്കുന്നു.
