വീടുകൾ മനോഹരമാക്കുന്നതിൽ എക്കാലവും മുൻപിൽ നിൽ്ക്കുന്ന താരമാണ് ബാല. പുരാതന വസ്തുക്കളോടുള്ള പ്രിയത്താൽ ഇതിന്റെ ഒരു ശേഖരം തന്നെ അദ്ദേഹത്തിന്റ പക്കലുണ്ടെന്നാണ് റിപ്പോർട്ട്. ഇപ്പോഴിതാ യൂസഫലിയുടെ ഹോട്ടലിൽ കണ്ട് ഇഷ്ടപ്പെട്ട അതേസാധനം സ്വന്തമാക്കിയ സന്തോഷത്തിലാണ് ഇപ്പോൾ താരം. എന്നാൽ വാങ്ങിയതിനെക്കുറിച്ചുള്ള അദ്ദേഹത്തിന്റെ മറുപടി താൻ അത് എങ്ങനെയാണ് വാങ്ങിയതെന്ന് പറയില്ലെന്നും പറഞ്ഞാൽ അത് എല്ലാവരും വാങ്ങില്ലേ എന്നുമായിരുന്നു.
അദ്ദേഹത്തിന്റെ വാക്കുകൾ…
പല തവണ അദ്ദേഹത്തിന്റെ ഹോട്ടലിൽ പോയപ്പോഴും കണ്ടിട്ടുള്ള വിലപിടിപ്പുള്ള ക്ലോക്ക്, അതേ പോലത്തെ ഒന്ന് ഞാനും സ്വന്തമാക്കി. നാൽപ്പത്തിയഞ്ച് ലക്ഷം വിലയുണ്ടാകും ആ ക്ലോക്കിന്. ഈ ക്ലോക്ക് അത്രയും വലിപ്പമില്ല. എങ്കിലും അതേസാധനം തന്നെയാണ്. അതേ രാജ്യത്ത് നിന്നും തന്നെയാണ് ഇമ്പോർട്ട് ചെയ്തത്. ഏത് രാജ്യത്ത് നിന്നാണ് എന്നൊന്നും പറയില്ല. ഫോട്ടോ വേണമെങ്കിൽ തരാം. ഞാൻ കുറെ പ്രാവശ്യം ആ ഹോട്ടലിൽ പോയിട്ടുണ്ട്. ഒരിക്കൽ ഒരു ഫാൻ വന്നിട്ട് പിക് എടുക്കണം എന്ന് പറഞ്ഞു. അങ്ങനെ ഈ ക്ലോക്കിന്റെ ബാക്ഗ്രൗണ്ടിൽ ഇരുന്നാണ് ചിത്രം എടുക്കുന്നത്. അത് കണ്ട് ഇഷ്ടമായി.
നമ്മൾ എന്നും കാണുന്നുണ്ടെങ്കിലും ആ ക്ലോക്കിന്റെ ബ്യൂട്ടി ആ ഫോട്ടോയിൽ ആണ് ഞാൻ കണ്ടത്. അവരുടെ അടുത്ത് നിന്നുംആ ഫോട്ടോ വാങ്ങിച്ചപ്പോഴാണ് അതിന്റെ ഭംഗി മനസിലാകുന്നത്. പിന്നീട് ഞാൻ ഒറ്റയ്‌ക്ക് നിന്നും ഒരു ഫോട്ടോ എടുത്തു. അങ്ങനെ അതേപോലെ ഒരു സാധനം ഞാനും വാങ്ങിച്ചു. ഞാൻ എല്ലാ വിവരങ്ങളും തന്നാൽ മറ്റൊരു നടന്റെ വീട്ടിലും ഇതേ പോലെ ഇരിക്കില്ലേ? അത്തരത്തിൽ മറ്റൊരു നടൻ കൂടി വാങ്ങിച്ചാൽ ഞാനും അയാളും തമ്മിൽ എന്ത് വ്യത്യാസം ആണ് ഉള്ളത്. നല്ല ഐശ്വര്യം ഇല്ലേ കാണാൻ. ഒരു മണി ആയാൽ ഒരു വട്ടം അടിക്കും. പത്തായാൽ പത്ത് വട്ടം. ഒത് ഓരോ വട്ടം ബെൽ അടിക്കുമ്പോൾ നമ്മൾ ഇതുവരെ എന്താണ് ചെയ്തത് എന്ന് ചിന്തിക്കും. റിമൈൻഡർ ആണത്.
