കരുത്ത് കൂട്ടി വീണ്ടും യുഎഇ പാസ്പോർട്ട്. യുഎഇ പാസ്പോർട്ടുള്ളവർക്ക് 179 രാജ്യങ്ങളിൽ മുൻകൂർ വിസയില്ലാതെ ഇനി യാത്ര ചെയ്യാം. കഴിഞ്ഞ വർഷം 176 രാജ്യങ്ങളിലേക്കായിരുന്നു അനുമതി. ഹെൻലി പാസ്പോർട്ട് ഇൻഡക്സ് പുറത്തിറക്കിയ റിപ്പോർട്ടിലാണ് യുഎഇയുടെ ഈ നേട്ടം. 2013-ൽ യുഎഇ പാസ്പോർട്ടുള്ളർക്ക് വിസ ഓൺ അറൈവലിൽ സഞ്ചരിക്കാവുന്നത് 107 രാജ്യങ്ങളിലേക്കായിരുന്നു. ജിസിസി രാജ്യങ്ങളിൽ യുഎഇ ആണ് ഒന്നാമത്. രാജ്യാന്തര റാങ്കിങ്ങിൽ 52-ാം സ്ഥാനത്തുള്ള ഖത്തറാണ് ജിസിസിയിൽ രണ്ടാം സ്ഥാനത്ത്ുള്ളത്. 15-ാം സ്ഥാനത്തിൽ നിന്നും രാജ്യാന്തര തലത്തിൽ 12-ാം സ്ഥാനത്തേക്കാണ് പാസ്പോർട്ട് ഉയർന്നിരിക്കുന്നത്. ഗൾഫ് രാജ്യങ്ങൾക്ക് പൊതുവായി വിസ ഏർപ്പെടുത്തിയാൽ ലോക റാങ്കിങ്ങിൽ ജിസിസി രാജ്യങ്ങൾ കൂടുതൽ മുകളിലേക്ക് എത്തുമെന്നാണ് പഠനത്തിൽ പറയുന്നത്.
സ്വതന്ത്രമായി സഞ്ചരിക്കാൻ കഴിയുന്നത് രാജ്യങ്ങളുടെ സ്വീകാര്യത വർദ്ധിപ്പിക്കുകയും കൂടുതൽ സഞ്ചാരികളെ ആകർഷിക്കുകയും ചെയ്യും. നിക്ഷേപ സമാഹരണം, തൊഴിലവസരം, ടൂറിസം വികസനം, അടിസ്ഥാന സൗകര്യ വികസനം എന്നിവ ഒരു രാജ്യത്തെ സംബന്ധിച്ചിയത്തോളം നിർണായകമാണ്. സിംഗപ്പൂർ പാസ്പോർട്ടാണ് ലോകത്തിലെ ഏറ്റവും കരുത്തുറ്റ പാസ്പോർട്ട്. വർഷങ്ങളായി ഒന്നാം സ്ഥാനത്തുള്ള ജപ്പാനെ മൂന്നാം സ്ഥാനത്തേക്കു പുറന്തള്ളിയാണ് സിംഗപ്പൂർ ഒന്നാമതെത്തിയത്.
Comments